حدث استثنائي والدولار السبب.. شوف اللي بيحصل في بريكس

مصر الفترة دي عندها حدث مهم جدا، وهو اجتماعات قمة البريكس، ومصر مشاركة بوفود حكومي برئاسة رئيس مجلس الوزراء في الاجتماع.. يا تري اية سرر اهتمام الحكومة بالاجتماع ده وليه تجمع البريكس ده مهم لمصر .. خليكم معانا للآخر وهتعرفوا التفاصيل.

انضمام مصر لتجمع البريكس كان خطوة مهمة جدا في تنمية وتطوير الاقتصاد المصري خصوصا أن التجمع ده بيضم عدد كبير من أهم الاقتصاديات الموجودة في العالم علي رأسهم الصين والبرازيل والهند وروسيا، ومجموعة البريكس دي بتوصل نسبة مساهمتهم في الاقتصاد العالمي من 25% إلى 40%.
طيب ازاي مصر هتستفيد من انضمامها لمجموعة البريكس ؟.
زي ما مصر هتستفيد من انضمام مصر لمجموعة البريكس، كمان المجموعة هتستفاد برضوا من انضمام مصر للمجموعة خصوصا أن ناتج مصر المحلي وصل ل398.40 مليار دولار في عام 2023، بالرقم ده مصر بتحتل المرتبة 38 عالميًا بين أكبر الاقتصاديات في العالم، وعلي فكرة الرقم ده اعلي من  اقتصاد جنوب إفريقيا اللي بحتل المرتبة الـ 41 بناتج محلي إجمالي 380.91 مليار دولار .

إنضمام مصر لتكتل البريكس هينعكس إيجابيًا بشكل كبير على الاقتصاد المصري، خصوصا أن هيخفف الضغط على الدولار، وممكن مصر تستفاد من السياسات اللي بطبقها على الدول الأعضاء، خصوصا أنه بيتم اعتماد عملة مشتركة بين أعضاء البريكس، ده غير اعتماد منطقة تجارة حرة، وتفعيل اتفاقيات الدفع المباشرة، ودي كلها خطوات هدفها الأساسي تقليل الضغط على الدولار، وعندنا هنا في مصر هتؤدي لتحقيق الاستقرار الكامل لسعر الصرف الرسمي .

وزي ما احنا عارفين أن مصر عندها أزمة كبيرة في توفير الدولار خصوصا في الجزء الخاص بالاستيراد، خصوصا أن مصر بتستورد نسبة كبيرة جدا من احتياجات السوق المحلي من الخارج خصوصا القمح اللي بياخذ نسبة كبيرة جدا من الفاتورة الاستيرادية ده غير السلع التانية واللي برضوا الدولة ملزمة بتوفير الدولار اللي المستوردين هيحتاحوه للاستيراد.
وزي ما احنا عارفين أن الرئيس عبدالفتاح السيسي وجه الحكومة بتدعيم الصناعة المحلية بشكل كامل، وفي توجيهات مباشرة ببحث مشاكل كل المصانع اللي موجودة في مصر وإعادة دراسة المشاكل اللي بتواجهها كمان تشغيلها إزالة أي معوق بيمنع إعادة تشغيلها،. ده طبعا الهدف الأساسي منها تقليل الضغط على الدولار.
مصر كمان بتستهدف من الإنضمام إلي تكتل البريكس زيادة الاستثمارات من الدول الأعضاء في المجموعة، والرئيس الروسي فلاديمير بوتين قال أنه هيشتغل من خلال تكتل البريكس علي فتح مشروعات كتيرة في القارة الإفريقية، خصوصا أن استثمارات دول المجموعة في مصر وصلت ل 891 مليون دولار في عام 2022 .
مصر كمان هتستفاد من الانضمام لتكتل البريكس الحصول علي تمويل ميسر للاعضاء في المجموعة، خصوصا أن تكتل البريكس بيتبعها بنك اسمه بنك التنمية وده هدفه الأساسي هو فتح فرص تمويلية ميسرة للمشروعات الإنتاجية المختلفة في الدولة المصرية والهدف الأساسي للبنك هو تشييد بنية تحتية جديدة وتحسين جودة الحياة داخل الدول الأعضاء .
طيب ازاي مصر هتستفاد من انضمامها لتكتل البريكس؟
زي ما قولنا لحضراتكم أن مصر بتستورد كمية كبيرة من احتياجات السوق المصري من الدول الخارجية، وأغلب الدول اللي مصر بتستورد منها هيا دول أعضاء في تكتل البريكس وأولهم الصين اللي مصر بتستورد منها نسبة كبيرة جدا من احتياجات السوق المحلية من هناك وأكثر من 90% من احتياجات مصر الخارجية من هناك، ده غير روسيا اللي مصر بتستورد منها نسبة كبيرة من القمح اللي مصر بتعد أول واعلي دولة في العالم بتستورده من الخارج، ووصل حجم التبادل التجاري بين مصر ودول البريكس إلي 47.8 مليار دولار خلال عام 2022،