عمرك سمعت عن كارتة الطيارات.. شوف شركات الطيران بتدفع كام لمصر
في الفترة اللي فاتت، شوفنا كمية كبيرة من الرحلات الجوية طايرة فوق المجال الجوي المصري وده بسبب أنه في تطورات جيوسياسية في المنطقة العربية كلها.. ياتري مصر هتسفيد ازاي من الرحلات دي، وهل في كارتة علي الطيارات اللي في الهوا
المنطقة العربية في الفترة اللي فاتت شهدت تطورات كتيرة جدا، ومصر هيا الدولة الوحيدة اللي عندها أمان في المنطقة العربية وأغلب الدول في الفترة اللي فاتت كانت بتستخدم المجال الجوي المصري علشان تطير وهيا بتعدي من دول لدولة تانية.
طيب إيه اللي بتستفيده مصر من الرحلات دي خصوصا أن لو في طيارة حصل لها مشكلة هتكون أزمة بالنسبة لمصر؟.
عمرك خطر في بالك، أن مصر بتاخذ فلوس كتيرة جدا وبالدولار علي اي طيارة بتطير في السما عندنا، وفي الفترة اللي فاتت مصر كسبت وبشكل كبير جدا من اللي حصل في المنطقة العربية، خصوصا أن اي طيارة بتطير عندنا فهي في حماية الدولة المصرية لحد ما تخرج، والفلوس اللي بتدفعها دي علشان بتستخدم الأجهزة الملاحية المصرية ودي عبارة عن حاجة زي الكارتة اللي العربيات بتستخدمها علي الطريق.
زمان كانت دول العالم علشان تحصل الكارتة دي لازم الطيارات تنزل عندنا، ومع الوقت الموضوع ده بقي للاسف مش نافع لان مش لازم كل الطيارات اللي بتعدي فوق المجال الجوي بتاعنا تنزل في مطاراتنا، وفي نسبة كبيرة من الطائرات كانت ما الا بتعدي فوق المجال الجوي بتاعتنا.
مع مرور الوقت الدول عملوا حاجة اسمها يوروكنترول أو المنظمة الأوروبية لسلامة الملاحة الجوية ودي وكالة أوروبية تأسست في 1963 ومقرها في بروكسل، ودور المنظمة دي هو المراقبة والعمل على تطوير التصرف في المجال الجوي، وكمان بتقدم خدمات تدفق الحركة الجوية، وخدمة معلومات الطيران، واخيرا خدمة تجميع مقابل خدمات الطرق الجوية وهيا تحصيل رسوم للطائرات لصالح الدول الأعضاء واللي بيوصل عددهم لـ 40 دولة بينهم مصر.
أو المنظمة الأوروبية لسلامة الملاحة الجوية حاليا هيا المسئولة عن تحصيل الفلوس من الطائرات اللي بتعدي فوق الدول والنسبة دي بتوصل لـ 1% من قيمة تذكرة كل راكب علي الطيارات.
