متصدقش الصاغة.. الدهب طالع السحاب
بتسمع احيانا اخبار عن استقرار سعر الدهب وساعات تراجعه.. متصدقش والوعي تفتكر إن الأسعار هتنزل ... لأن كل اللي جاي صعب.. والاسعار هتوصل السحاب والمؤسسات المالية العالمية طلعت تقارير تخوف حولين مصير المعدن الأصفر في الشهور الجاية فلو معاك دهب وعاوز تبيعه أو بتفكر تشتري دهب شوف الفيديو ده الأول.
كل التقارير العالمية واللي صادرة عن بنوك استثمار عالمية زي HSBC وبنك USB وجولدمان ساكس حول توقعات الدهب في بدايات 2025، اجتمعت كلها على أن سعر الأوقية هيواصل الصعود في السوق العالمي، وأغلبها بيرجح أن يتراوح سعر أوقية الذهب بين 2700 و3000 دولار في بداية السنة الجديدة وإن دي مجرد بداية ولأن البنوك اللي قالت كده بنوك عالمية وعندها وحدات أبحاث مالية واقتصادية بتابع النملة في الأسواق فجزء كبير من توقعاتها بيكون حقيقي.
ولو بصينا على أسعار الدهب عالميا النهاردة هتلاقي إن التوقعات مش بعيدة مع استمرار صعود المعدن الأصفر عالميا، زسجل سعر الأوقية خلال الساعات اللي فاتت ارتفاعا بنسبة 0.3% ووصلت مستوى 2650 دولا للأوقي بزيادة تصل لأكتر من 15 دولار مقارنة عن اليوم اللي قبله.
طيب البنوك دي اعتمدت على ايه في توقعاتها بالنسبة لأسعار الدهب ؟
زي ماقلنا البنوك دي مش بتهزر وعندها اقسام تحليل اقتصادي واستندوا على توقعاتهم بزيادة أسعار الدهب لأكتر من سبب منها استمرار ارتفاع نسب التضخم العالمي في الاقتصاديان الكبيرة وبخلاف التوترات الجيوسياسية في اكتر من منطقة بالعالم ودا غير توجه البنك الفيدرالي الأمريكي لخفض الفايدة على الدولار وتحليق أسعار الدهب عالميا باتجاه 2700 دولار للأوقية في وقت قياسي وزيادة طلب البنوك المركزية العالمية لشراء المعدن النفيس كملاذ آمن من الصراعات الدولية واللي ممكن تأثر في الأيام الجاية على أسواق مهمة جدا زي أسواق النفط وخطوط التجارة الدولية في الشرق الأوسط والمحيط الهندي وعشان كده قالوا الدهب هيوصل 2900 قبل السنة دي ما تخلص وهيوصل 300 دولار مع بداية 2025.
طبعا الزيادة في الأسعار العالمية هينعكس على الأسعار في الصاغة المصرية وبحسبه بسيطة لما سعر الدهب وصل عالمياً 2700 دولار متوقع سعر عيار 21 يوصل مستوى 4500 جنيه.
ولو بتفكر في الاستثمار فالاول لو معاك دهب شايله على جمب بلاش تبيع دولتي ولو بتفكر تشتري يبقي دا الوقت المناسب لانه مع الصدمات اللي جاية الدهب هيفضل هو الملاذ الآمن والاستثمار المضمون
