800 جنيه كل شهر للأسرة.. مفاجأة جديدة عن الترند الشعبي

إيه هو الدعم النقدي اللي بتفكر الحكومة تقدمه قريب للمواطنين وليه بقى ترند شعبي والناس كلها متابعاه.. ، وهل كل المصريين بيستحقو الدعم ده، طب إيه هي مميزاته وامته نشوفه متطبق على أرض الواقع.. هنقولك كل التفاصيل في الفيديو ده فتابعنا للآخر. 
 

ملايين المصريين بيسألوا دلوقتي عن حكاية الدعم النقدي وتفاصيله ومميزاته، وده بعد ما كتر الكلام عليه من الحكومة المصرية، في الوقت اللي بتتوجه الدولة فيه للتحويل للنطام الجديد ده بدلا من الدعم العيني أو التمويني.

ببساطة كده، الدعم النقدي هو مستحقات حضرتك من التموين اللي بتاخدها كل شهر، والحكومة بتفكر تستبدل السلع دي بفلوس، يعني بدل ما تاخد تموين هتاخد فلوس، والهدف من النظام ده هو ضمان حصول المواطن على حقه والقضاء على الفساد والهدر اللي بيحصل  في منظومة التموين.

طب،  الدولة هتخصص كام جنيه لكل مواطن كل شهر لو اتحول الدعم للنقدي؟

بص يا سيدي، كلنا عارفين إن الدعم مهم جدا عشان يحافظ  على الاستقرار الاجتماعي والسياسي والأمني في أي مجتمع مش المجتمع المصري بس، عشان كده في مقترح من الحكومة بأنها تحدد المستحقين والصرف تحت إشراف البنك المركزي، وممكن يوصل مبلغ الفرد من مستحقاته في الدعم النقدي 200 جنيه شهريا.

أما عن آليات صرف الفلوس فبتعتبر مفاجأة، وهي إن الحكومة بتصرف حوالي 298 مليار جنيه دعم سلعي مرتبط بالدعم في الموازنة العامة للدولة، وحوالي 98 مليار جنيه لدعم الخبز أو العيش، يعني ممكن كل ده يتحول لفلوس الناس تقبضها كل شهر بدل من السلع الغذائية، وهي تشتري احتياجاتها بنفسها.

وفي الأيام الجاية، الحوار الوطني هيناقش آلية تطبيق الدعم النقدي، اللي مضمونه إن الأسرة المكونة من 4 أفراد هتحصل على 800 جنيه شهريا، يعني 200 جنيه للفرد، ولكن هيتم الإعلان عنه بشكل نهائي بعد مناقشات الملف في الحوار الوطني بالاشتراك مع الجهات المعنية المختلفة والخبراء.

ومن أهم مميزات الدعم النقدي، أنه بيحافظ على الاستقرار بمفهومه الواسع مجتمعيًا واقتصاديًا، وهيمنع التسربات في منظومة الدعم بنسبة ممكن توصل ل 30%، وكمان هيقدم للفئات المستحقة للتموين دعم نقدي شهري يقدر من خلاله المواطن أن يلبي احتياجاته الأساسية.

ضيف على كده، إن المواطن هيقدر يحصل على السلع والأغراض التانية اللي بيحتاجها مش سلع عينية مفروضة عليه في التموين، وكمان النظام ده بيحقق العدالة الاجتماعية والكفاءة الاقتصادية بين المواطنين، وهيقلل من الضغط على الموازنة العامة للدولة وبالتالي تقليل العجز.

ومن هنا الحكومة وعدت أن لو حصل مشكلات تضر فكرة التحول للدعم النقدي فهتلغي الفكرة من الأساس.

أما ميعاد التطبيق، فممكن تكون أول المراحل خلال السنة الماليو الجاية في حالة لو حصل توافق عليه، ولكن تفاصيل التنفيذ هي الأهم عشان نضمن إن ماتحصلش ممكن تؤثر على فعالية الفكرة.