ضهر السيسي وسنده ..رجال الرئيس في “المهام المستحيلة”
يا ترى مين هما رجال السيسي فى المهام المستحيلة؟ ومين الناس اللى رئيس الجمهورية بيراهن عليهم فى الأوقات الصعبة ؟ وليه دايما بيقول من غيرهم ولا كنت عملت حاجة؟
لو حضراتكم فاكرين فى الشهور الأولى من سنة 2013 كل المصريين باختلاف انتماءاتهم السياسية كانوا بيصرخوا وبيطلبوا من وزي الدفاع وقتها المشير عبدالفتاح السيسي انه يتدخل وينقذ البلد من الاخوان ويخلص الناس من ارهاب الجماعة بعد سنة واحدة قضاها محمد مرسي فى الرئاسة .. سنة كانت كفيلة تكشف طريقة تفكير الجماعة وسعيها الى السيطرة على مفاصل الدولة وماحولاتها تقسيم المصريين على أساس ديني عكس طبيعة المصريين المحبة للسلام والتآخي
وقتها السيسي استجاب لنداء المصريين وحاول بكل الطرق يرجع الاخوان عن تفكيرهم ويخليهم ميلعبوش بالنار لكن للأسف الجماعة كانت مُصرة تنفذمخططات المرشد والتنظيم الدولى وهنا قالت القوات المسلحة كلمتها وتدخلت فى الوقتع المناسب لمنع نشر الفوضى فى مصر.. وبسبب موقف الجيشكل المصريين خرجوا فى الشوارع وطالبوا السيسي بالترشح فى الانتخابات الرئاسية.. ولأن السيسي بحكم منصبه كان مطلع على أحوال البلد وعارف الظروف الاقتصادية والأمنية والاجتماعية اللى بتعانى منها.. كان واضح وصريح من أول يوم لقبوله المهمة وصارح المصريين بحقيقة الأوضاع وقال انه مش هيقدر يقوم بالمهمة الا بدعم المصريين رجالة وستات شباب وشيوخ عمال وفلاحين
طب السيسي راهن على مين ؟
السيسي راهن على قطاعات كبيرة ومختلفة فى مصر راهن على الست المصرية وقدرتها على تحمل الأعباء ومشاركتها لزوجها فى تنظيم شئون البيت.. الست اللى بتعيش بأى فلوس وبتدبراحتياجات ولادها من غير شكوى ولا كلام كتير.. الست اللى بتعمل جمعيات وتشتري حاجات بالقسط وتحط القرش على القرش عشان تجهز بناتها.. والحقيقة ان السيسي كسب الرهان ورغم الظروف الاقتصادية الصعبة اللى بتمر بيها البلد ومعاناة معظم الأسر الا انه بفضل الله أولا وبفضل ستات مصر العظيمات الدنيا ماشية.. ويمكن ده يفسرلك ليه الرئيس السيسي دايما فى معظم لقاءاته بيشيد بالمرأة المصرية وبدورها العظيم
طب مين تاني السيسي اعتمد عليه فى السنين الصعبة اللى عدت على مصر؟
الرئيس راهن على عمال مصر وموظفيها فى كل المؤسسات الحكومية وكمان الخاصة الناس اللى كانت بتشتغل ساعات عمل أطول وبفلوس مش أحسن حاجة ودول كتير زي موظفي البنوك المصرية اللى قدموا سيمفونية عمل رائعة طول السنين اللى فات وفيهم منهم اللى كان بيشتغل بالـ 16 ساعة يوميا وتحديدا ايام بيع شهادات الاستثمار ذات الفايدة العليا ومش بس الموظفين فيه كمان كتيبة من صناع السياسة النقدية اللى واصلوا الليل بالنهارعشان يحلوا مشكلة عويصةزيمشكلة نقص الدولار وتعدد سعر صرف العملات الجنبية
ومع دول كمان فيه فلاحين مصر المنتشرين فى كل المحافظات وعمال مصر على الماكينات فى المصانع وكلمواطن حر شريف بيشتغل تقدم بلده وواقف فى ضهرها عز الأزمات .. كل دول هما اللى راهن عليهم السيسي وهما اللى سندوا البلد فى الأوقات الصعبة
وخد بالك بفضلجهود كل الناس دي البلد حافظت ولسه محافظة على استقرارها فى وقت معظم الدول فى المنطقة بتعانى من انقسامات وتناحر داخلى
