حدث فريد.. هو إيه اللي هيحصل في العاصمة الإدارية

كلها ساعات والعالم كله هيبقي تركيزه على العاصمة الادارية في مصر.. إيه اللي هيحصل وليه الحكومة كلها مشدودة ومين مئات الضيوف اللي جايين وليه.. كل دا هنعرفه ف الفيديو دا خليكم معانا للنهاية

زي ما احنا عارفين العالم كله بقي قرية صغيرة بفضل التكنولوجيا الحديثة وتطور تكنولوجيا الرقمنة والاتصالات واللي ختمت بالذكاء الاصطناعي واللي بيمثل أحدث تطورت التكنولوجيا في العالم ومصر مش بعيدة عن التطور دا واتحركت فيه خطوات كبيرة جدا ولحقت القطر قبل مايفوت..

مصر عندها حدث مهم جدا بكرة التلات  وهو استضافة العاصمة الإدارية الجديدة لفعاليات النسخة الأولى من القمة العالمية للبنية التحتية العامة الرقمية (DPI)  واللي بتستضيفها مصر ممثلة في وزارة الاتصالات وتكنولوجيا المعلومات بالشراكة مع برنامج الأمم المتحدة الإنمائي، والاتحاد الدولي للاتصالات، والبنك الدولي، وبتنظيم من مؤسسة Co-Develop خلال الفترة من 1 إلى 3 أكتوبر بمشاركة نخبة من القيادات من القطاعين الحكومي والخاص والمنظمات الدولية والخبراء من مختلف دول العالم.. طبعا نوع القمة الأولي من نوعها في مصر والمنطقة وحجم الرعاة والضيوف بيقول إن الحدث فعلا مهم جدا.

الدكتور عمرو طلعت وزير الاتصالات وتكنولوجيا المعلومات، هو اللي هيفتتح فعاليات القمة العالمية للبنية التحتية العامة الرقمية، وهيلقي كلمة في الجلسة الافتتاحية لهذا الحدث الدولي الكبير.

طيب ايه أهداف القمة دي وأهميتها؟
طبعا للقمة الرقمية أهمية كبيرة جدا أولها إنها بتأكد حالة الاستقرار الكبير اللي مصر عايشة فيه وسط كم التوتر اللي حواليها وفي نفس الوقت هتجذب شركات الرقمنة وتكنولوجيا المعلومات العالمية لمصر غير التعرف على السوق المصري والتعرف على الفرص وجذب استثمارات جديدة في سوق الرقمنة المصري.

القمة الرقمية بتستهدف كمان توفير منصة للحوار وتبادل المعرفة بين المعنيين والمهتمين بنظام البنية التحتية العامة الرقمية من القطاع الحكومي والصناعة والمجتمع المدني ودا للوصول إلى فهم موحد فيما يخص البنية التحتية الرقمية حول العالم، وكمان عقد شراكات إقليمية ودولية وتعزيز التعاون الاستراتيجي بين الدول المشاركة والجهات المانحة والشركات المنفذة لعمليات التحول الرقمي في سبيل الدفع بالبنية التحتية الرقمية على المستوى العالمي.

فعاليات القمة هتشمل كمان العديد من الجلسات واللي هتتناول رؤى عامة شاملة حول النطاق الواسع لنظام البنية التحتية العامة الرقمية، مع تسليط الضوء على التقنيات الرائدة وأطر السياسات ونماذج التنفيذ التي تُعيد تشكيل مشهد البنية التحتية العامة الرقمية حول العالم.

كمان مقرر إن فعاليات القمة هتشهد استعراض التقدم الذي أحرزته الدول في تبنّي مبادئ البنية التحتية العامة الرقمية وتنفيذها، مع التركيز على الطبيعة السريعة والتغيير ودورها في تحقيق التحول الرقمي على المستويين المحلى والعالمي.. وأخيرا نجاح القمة الأولي من نوعها في مصر هيكون شهادة ثقة كبيرة في السوق المصري وهتفتح المجال قدام الاستثمارات المنتظرة .