الجنيه يواصل رحلة الصمود .. كواليس المعركة الكبرى في سوق الصرف
هو ايه اللى بيحصل فى سوق صرف العملات الأجنبية ؟وإزاي الجنية نجح فى المواجهة الكبرى مع الدولار ؟ وايه سر تراجع العملة الأمريكية فى التعاملات الأخيرة ؟وهل يكون 2025 عام عودة البريق للعملة المصرية؟
الاسبوع اللى فات كان الدولار بيحقق قفزات فى سوق صرف العملات الأجنبية فى البنوك وشركات الصرافة المعتمدة لكن فى التعاملات الأخيرة اللى تمت من يوم الخميس اللى فات ولحد دلوقتى قلص الجنية خسايره وقدر يسترد جزء من قيمته فى المعركة اللى بيخوضها مع العملة الأمريكية وباقي العملات الأجنبية التانية
وفي التعاملات الأخيرة تم تداول الدولار في البنوك المصرية عند مستويات تتراوح بين 48.60 و48.29 جنيه .. وكان أعلى سعر سجله الدولار مقابل الجنيه المصري في تعاملات جلسة يوم الأربع اللى فات في بنوك "كريدي أجريكول مصر" والأهلي الكويتي وبنك قناة السويس عند مستوى 48.71 جنيه للشراء، مقابل 48.81 جنيه للبيع أما فى البنك المركزي المصري فكان سعر صرف الدولار عند مستوى 48.62 جنيه للشراء، و48.76 جنيه للبيع.
وفى تعاملات نهاية الاسبوع بدءا من يوم الخميس ولحد النهاردة بيتراجع سعر صرف الدولار لدى البنك المركزي المصري إلى مستوى 48.29 جنيه للشراء، مقابل 48.43 جنيه للبيع.
اللى بيحصل فى سوق صرف العملات الأجنبية فى مصر بيأتي بعد أيام من بدء البنك الفيدرالي الأمريكي تيسير السياسة النقدية بخفض أسعار الفائدة 50 نقطة وسطتوقعات بمزيد من الخفض من دلوقتى ولحد نهاية 2024 .
طب ايه اللى خلا الجنيه يعمل ريمونتادا ويعوض الخساير اللى لحقت بيه الايام اللى فاتت ؟
فيه اكتر من سبب مكن الجنيه من العودة من جديد أهمهم الطفرة اللى حصلت فى احتياطيات النقد الجنبي لدى البنك المركزي واللى سجلت اعلى مستوى ليها على الاطلاق وتخطت ال 46 مليار دولاروفقا لأحدث بينات صادرة عن البنك المركزي كمان من الحاجات المهمة اللى دعمت الجنية اعلان ولى العهد السعودي الاميرمحمد بن سلمان عن ضخ 5مليار دولار من ميزانية صندوق الثروة السيادي التابع للملكة فى مصر كمرحلة اولى وبالتوازي مع ده الاعلان عن تحضيرات لصفقات كبرى هيتم الاعلان عنها خلال الشهور الجاية بين مصر والسعودية هتشملكل القطاعات تقريبا وهيضخ فيها مليارات الدولارات اللى هتنعش خزينة المركزي وهتزود المعروض من العملة الأجنبية
طب ايه سبب ارتفاع الدولار كل شوية لما الامور مستقرة كده ؟
بصفكرة ثبات سعر الدولار على الدوام انتهت تماما من يوم 6 مارس اللى فات من بعد ما البنك المركزي أعلن تبنى سياسة سعر صرف مرنة وسعر مرن يعنى بيخضع لقواعد العرض والطلب وكل ما الطلب زاد كل ما السعر قل والعكس صحيح تماما وعشان كده هتلاقي كل شوية الدولارساعات بيطلع وساعات بينزل لكن كله فى الحدود الآمنة
