قرار أوروبي هيغير خريطة السياحة العالمية.. مصر أكبر المستفيدين
رب ضارة نافعة.. ايه اللي حصل في سوق السياحة العالمية في الساعات الأخيرة وازاي مصر من أكبر المستفيدين من اللي حصل.. وايه علاقة ترامب بالقصة.
سوق السياحة العالمي زي ما احنا عارفين ييشهد منافسة شرسة وساخنة بين الدول وبين شركات السياحة والسفر الدولية وكل دولة بتجاول تزود حصتها من السوق دا واللي بتبلغ قيمته ل1.6 ترليون دولار ودا سبب التنافس اللي قلنا عليه ومصر من الدول السياحية المعروفة في العالم واللي يتسعى لزيادة حصتها بشكل كبير في السنين الجاية عشان توصل ل30 مليون سائح في 2030 وقدرت بفضل تطوير القطاع السياحي أنها تحقق موسم استثنائي في 2024 بحوالي 16 مليون سائح رغم الأزمات اللي في المنطقة.
طيب أي حصل في الساعات الأخيرة وهيغير خريطه السياحة في مصر؟
لو متابعين اخبار الأزمات الأخيرة بين أوروبا والولايات المتحدة الأمريكية بسبب الرسوم والجمارك الجديدة اللي هيفرضها الرئيس الأمريكي ترامب على الواردات الأوربية والشركات وموقفه المتشدد من المهاجرين هتعرفو إن الموضوع هيأثر على على قطاع السياحة الأوربية وفعلا دا حصل بعد تحذير مجموعة الفنادق الفرنسية "أكور" من تراجع الحجوزات السياحية من أوروبا إلى الولايات المتحدة بنسبة 25% خلال الصيف الجاي وتفضيل المسافرين الاوربيين وجهات بديلة بسبب إجراءات الرئيس الأميركي المتشددة بخصوص الهجرة.
الرئيس التنفيذي للمجموعة قال في تصريحات إن حركة السياحة والسفر عبر الأطلسي بدأت في التراجع بشكل كبير ووصلت إلى 20% خلال أول 90 يوم من 2025 وإن التوقعات بتقول إن التراجع مستمر بقوة في الشهور الجاية.. والأهم بقي ودا اللي قاله مسؤول المجموعة الفرنسية أن المسافرين الأوروبيين بيختاروا وجهات بديلة للسياحة للولايات المتحدة لدول تانية زي كندا وأمريكا الجنوبية ومصر ودا اللي يهمنا في الموضوع يعني جزء كبير من الاوربيين اللي كانوا بيسافروا للسياحة والترفيه في الولايات المتحدة هيجي مصر لأسباب كتير منها القرب الجغرافي والطقس وتنوع المنتج السياحي المصري والشراكة الاستراتيجية الأوربية مع مصر ودا معناه تغير كبير في خريطة حركة السياحة والسفر الدولية وهيكون فيه شكل جديد في التدفقات السياحية مصر أكبر المستفيدين منه في صورة زيادة التدفقات السياحية و الايرادات ودا بيقول إن موسم 2025 هيكون موسم استثنائي جديد للسياحة المصرية.
طيب دا معناه ايه لمصر؟
اكيد زيادة موارد السياحة في 2025 هيكون ليه تأثير كبير على التدفقات النقدية لمصر وعلى الاستثمار في القطاع السياحي واللي ليشهد فعلا نهضة وطفرة غير مسبوقة سواء في إنشاء الفنادق والمنتجعات السياحية لاستيعاب الزيادة في الحركة السياحية أو على مستوى مشروعات تطوير المواقع الأثرية زي اللي بيحصل في منطقة مصر القديمة وتحويلها لمتحف مفتوح وزي افتتاح المتحف المصري الكبير والمشروعات الجديدة في الساحل الشمالي والعلمين الجديدة.
وبجانب زيادة التدفقات السياحية مصر بتشهد زيادة كبيرة في موارد الدولار التانية زي التصدير وتحويلات المصريين بالخارج والاستثمارات بأنواعها وغيرها من الموادر التانية ودا كله بيصب في صالح العملة المصرية وبيساعد في استقرار سوق الصرف وتراجع سعر الدولار وانخفاض التضخم واسعار السلع ونشاط الاقتصاد بشكل عام.
