هيكون موسم عالمي.. شوف الدولة هتعمل ايه في قطاع السياحة

السياحة هيا العصب الحقيقي لنهوض اي دولة في العالم، وفي دول كتيرة بدأت نهضتها من قطاع السياحة، زي اليونان ودول كتيرة في أوروبا.. يا تري مصر بتعمل اية علشان توصل لمرحلة الدول دي .. وازاي هنوصل للمرحلة دي 
 

من سنين طويله والدولة حاطة قطاع السياحة في مكانة كبيرة وكل الوزارات بتخدم عليها وفي توجيهات من القيادة السياسية لكل الجهات والوزارات المعنية في الدولة بتسخير كل الإمكانيات لخدمة القطاع وتسهيل كل الإمكانيات الموجودة في الدولة لتوفير الخدمات الأساسية لراحة السائحين.

طيب اية اللي بتعمله الدولة علشان تزود عدد السائحين اللي جايين مصر ؟.
وزارة السياحة والآثار حاليا شغالة في كل الاتجاهات لزيادة أعداد السائحين اللي جايين مصر خصوصا اننا داخلين علي الموسم السياحي الشتوي، وهو الموسم اللي مصر بتشهد فيه اعلي توافد سياحي علي مدار السنة، خصوصا أن درجة الحرارة بتكون منخفضة جدا في عدد كبير من دول أوروبا وعلشان كده اغلب الناس هناك بيفضلوا بنزول الدول اللي درجات الحرارة بتكون فيها معتدلة علشان يهربوا من بلادهم والدولة المفضلة والمناسبة لهم في سعر الإقامة والانتقالات والزيارة هيا مصر وخصوصا الاقصر وأسوان اللي بتكون دافئة جدا في شهور الشتاء .

حاليا وزارة السياحة والآثار دشنت أكثر من حملة ترويجية في دول قارة أوروبا وعدد من دول قارة آسيا خصوصا الدول اللي الناس فيها بتهتم بسياحة الآثار والسياحة الثقافية والحملات اللي عملتها وزارة السياحة والآثار ركزت علي عاملين الأمن والامان اللي بتتمتع بيهم مصر، وأنها بعيدة بشكل كامل عن الأحداث اللي موجودة في المنطقة العربية واللي طبعا أثرت علي حركة السياحة في كل الدول في المنطقة العربية ومنطقة الشرق الأوسط.

السياحة كمان أعلنت عن زيادة المقابل المخصص لبرنامج تحفيز الطيران العارض واللي شغالين بيه من شهر ابريل اللي فات وده عبارة عن رقم بالدولار الدولة بتدفعه لشركات الطيران اللي بتجيب لنا سائحين من كل دول العالم وطبعا الرقم متغير وبيختلف من مطار للتاني يعني مثلا الطيارة طريقة حساب الطائرة اللي بتجيب سائحين لمطار شرم الشيخ طريقة حساب الطائرة اللي بتجيب سائحين لمطار الاقصر أو اسوان .

طيب السياحة متوقع تحقق كان مليون السنة دي وهل هنقدر نكسر الرقم اللي حققته السياحة في عام 2010 واللي بيعتبر عاد ذروة السياحة المصرية؟. 
عام 2010 بيعتبر عام ذروة السياحة المصرية واللي وصل فيه عدد السائحين اللي نزلوا مصر 14.6 مليون سائح، وقطاع السياحة في سنة 2023 قدرت يكسر الرقم ده وحقق 14.9 مليون سائح والسنة دي الزمالك مركز أنه يكسر الرقم القياسي اللي تحقق في السنة اللي فاتت ومستهدفين تحقيق 15.2 مليون سائح، وحاليا الدولة مركزه في الترويج علي دول المانيا وروسيا وأوكرانيا واليابان والولايات المتحدة الأمريكية وفرنسا ودول تانية كتير.

وزير السياحة والآثار شريف فتحي أتكلم علي برنامج تحفيز الطيران وقال إن كل دولار بيتصرف عليه بيحقق قصاده 72 جنية، يعني احنا مش بندفع فلوس وخلاص وكل جنية الدولة بتدفعه عارفة هو هيجب كام.