"الكل بيطلب ود السيسي".. دولارات وأسلحة ومشروعات هتغير أحوال مصر

مصر دولة كبيرة ومحورية فى منطقة الشرق الأوسط.. كبيرة بشعبها وتاريخها الممتد عبر آلاف السنين .. كبيرة بعلاقاتها المتشعبة مع جيرانها وأشقائها العرب.. ومحورية بحكم موقعها الاستراتيجي وتحكمها فى حركة التجارة العالمية من خلال قناة السويس وكمان من دورها المهم والفعال واللي محدش يقدر يستغنى عنه فى ملفات مهمة زي ملف القضية الفلسطينية.. وعشان كده مفيش دولة فى العالم الا وبتحاول تقوي علاقاتها بمصروتفتح مجالات أوسع للتعاون.. وحتى القوى الكبرى فى العالم زي أمريكا وكتير من الدول الغربية طول الوقت مهتمين بتوطيد العلاقات مع مصر ..طب ليه بنقول الكلام ده دلوقتي ؟ وإيه اللى حصل فى الساعات الأخيرة ؟ وايه حكاية صفقة الصواريخ اللى مصرحصلت عليها من الأمريكان؟

لو فاكرين من فترة طويلةكده كانت طلعت أخبار ان وزارة الدفاع الأمريكية هتوقف تصديربعض أنواع الأسلحة لمصر ووقتها اتقال كلام بايخ كتيرزي ان مصر فقدت مكانتها فى منطقة الشرق الأوسط وان فيه دول تانية بتحاول تزيح القاهرة وتاخد هي دور الزعامة فى المنطقة .. لكن الأيام والأحداث أثبتت كدب كل الكلاام ده وأكدت ان مصر هي “بابا المنطقة” وكل مفاتيح الحل فى إيديها وعشان كده الولايات المتحدة المريكية أعلنت موافقتها على بيع صواريخ بقيمة 740 مليون دولار لمصر..مشبسكده ده وزارة الخارجية الأمريكية طلعت بيان رسمي وأعلنت فيه بشكل واضح وصريح انها هتفرج دون شروط عن 1,3 مليار دولار من المساعدات العسكرية لمصر بعد ما كانت بتشترط السنة اللى فات بعض الشروط لتسليم مصرجزءمن المعونة العسكرية المقررة ليها.

طب وإيه أهمية الصواريخ دي لمصر؟

صفقة الصواريخ دي هتشكل إضافة لمنظومات الصواريخ المختلفة لدى القوات المسلحة المصرية وده لأن “صواريخ ستنجر” اللي هتستلمها مصرمن أمريكا من أفضل صواريخ الدفاع الجوي المحمولة على الكتف وبتعمل مع التشكيلات البرية و أثبتت نجاح كبير في الحرب الأوكرانية .. وبتضيف الصواريخ الجديدة قوة وتنوع لتسليح الجيش المصري خصوصا فى ظل أوضاع صعبة وساخنة بتعاني منها منطقة الشرق الأوسط.

طب هل الأمريكان بس اللي غيروا رأيهم وبيخطبوا ود مصر؟

مش بس الأمريكان وحدهم .. دول أوروبا كلها فاتحة دراعاتها وعاوزة تساند وتدعم مصر وعلى هامش مؤتمر الاستثمار المصري الأوروبي من فترة قليلة وقعت مصر ودول الاتحاد الأوروبي 10 اتفاقيات شملت منح وتمويلات ومذكرات تفاهم لمشروعات بقيم إجمالية هتوصل الى 32.8 مليار يورو..متخيل الرقم 32 مليار يورو ممكن يقلبوا الأوضاع فى مصر وينطلقوا بالاقتصاد المصري الى مراحل متقدمة جدا

والأهم ان الاتفاقيات الاستثمارية اللى وقعتها مصرمع دول اوربا بتتضمن شراكة فى مجالات مختلفة منها التصنيع الزراعي والهيدروجين الأخضر والموانيءومجالات النقل والكهربا يعنى تنمية هتحصل فى كل حتة فى مصر

طب وليه الكل عاوز يستثمر فى مصر؟

الموضوع ليه شقين شق اقتصادي بحت لأن مصر وفقا لكل التقارير الدولية واحدة من أفضل الدول اللى بتوفر فرص  استثمارية واعدة فى العالم كله وشق سياسي ليه علاقة بدور مصرومكانتها فى الشرق الأوسط وقدرتها على لعب دور الوسيط النزيه فى كتيرمن الملفات الساخنة والكل بيسمع ويحترم كلمتها