مشروعات جديدة مع الامارات .. كامل الوزير هيعملها ولا إيه ؟

يا ترى ايه المشروعات الجديدة اللى هتنفذها مصر مع الامارات الفترة الجاية ؟ وايه دور كامل الوزير فى المشروعات دي؟ وايه اللى دار فى اللقاء المهم اللى عملوا الوزير مع وزير وزير الاقتصاد الإماراتي؟

مصر والامرات فيه بينهم تعاون كبير بيحصل فى اكتر من ملف فى الفترة الأخيرة وتقريبا مفيش مجال الا وفيه تعاون بين البلدين فى السياحة وفى الصناعة وفى الزراعة ..وفى الساعات الأخيرة فيه مباحثات بتحصل بين البلدين لتعميق التعاون الثنائي من خلال صياغة وتنفيذ البرامج الاقتصادية اللى ممكن تواكب المتغيرات العالمية وتعزز الأداء التنموي في البلدين.

وحصل اجتماع مهم فى اخر 24 ساعة بين نائب رئيس الوزراء للتنمية الصناعية ووزير النقل والصناعة و عبدالله بن طوق المري، وزير الاقتصاد الإماراتي، وحضر الاجتماع ده الدكتورة رانيا المشاط، وزيرة التخطيط والتنمية الاقتصادية والتعاون الدُّوَليّ وناقشوا تنمية الشراكة الاقتصادية بين الإمارات ومصر في قطاعات الاقتصاد الجديد، والنقل، وريادة الأعمال والبنية التحتية، والاقتصاد الدائري والزراعة والصناعة وايه المجالات اللى ممكن يتعاون فيه الطرفين فى الفترة الجاية

والاجتماع المهم ده حصل على هامش مشاركة وزير الاقتصاد الاماراتي  في اجتماعات الدورة الـ114 للمجلس الاقتصادي والاجتماعي العربي اللي ترأستها الإمارات وعُقدت بمقر الأمانة العامة لجامعة الدول العربية في القاهرة.

ونقل الوزير الاماراتي تحيات حاكم الامارات للرئيس السيسي وقال دولة الإمارات ومصر بيرتبطوا بعلاقات استراتيجية وروابط أخوية وتاريخية بتستند إلى أسس وقواعد صلبة أسهمت في استمراريتها على مدار السنين اللى فاتت  بدعم من قيادات البلدين لحد ما العلاقة دي أصبحت نموذج رائد في التعاون والشراكة الاقتصادية والتنموية المتميزة.

واتكلم الوزير الاماراتى عن اتفاقية الشراكة الموقّعة مؤخرا بين البلدين والخاصة بمشروع تطوير منطقة رأس الحكمة وقال انها بتُمثل محطة مهمة لتعزيز الروابط الاقتصادية وتنمية الاستثمارات المتبادلة خصوصا أنها تعد أكبر استثمار أجنبي مباشر في تاريخ مصر.

وأعلن ان الامارات هتدخل فى شراكات تانية مع مصر فى مجالات التصنيع والزراعة والموانيء وغيرها من مجالات التعاون المشترك اللى بيعظم من الاقتصاد المصري وبيقوي التعاون وكمان بيوفر فرص استثمراية واعدة للمستثمرين الامراتيين فى مصر.

أما وزير الصناعة كامل الوزير فقال ان الدولة مهتمة جدا بتذليل كل العقبات اللى بتواجه المسثمرين الأجانب وبتقدم حوافز كبيرة جدا لأى حد عاوز يفتتتح مشروعات جديدة خصوصا المستثمرين العرب اللى وقفوا مع مصر طول الفترة الصعبة اللى فااتت

وجدد التأكيد على ان مصر بتتمتع بمقومات وإمكانات اقتصادية كبيرة وموقع جغرافي مهم ممكن من خلاله الوصول إلى العديد من الأسواق الاستراتيجية