مليارات الدولارات هتدخل الخزينة المصرية.. شوف منين وازاي

 
مصر بتكبر والدولار بقى ذكرى.. ايه اللي هحصل وايه حكاية مليارات الدولارات اللي داخلة البلد وازاي الحكومة هتستغل الكنز المصري في الهروب من سيطرة العملة الأمريكية.. شوف الفيديو ده للآخر وهتعرف التفاصيل 
 

 
مصر مليانة فرص وأعمال وتجارة وسياحة ودي ميزتها أن اقتصادها متنوع وكل قطاع في الاقتصاد المصري ينفع لوحده إنه يحل كل مشاكل البلد الاقتصادية ويخلي مصر قوة اقتصادية ضخمة على مستوى العالم ودا اللي بتعمله الحكومة المصرية دلوقتي وبإشراف مباشر من الرئيس السيسي.
وعلي سبيل المثال مصر عندها إمكانيات سياحية تخليها رقم واحد في العالم وممكن تستقبل اكتر من 100 مليون سائح سنويا ولأن مصر عندها كل شيء في القطاع دا وعندها تاريخ وحضارة مش موجودة في أي حتة حتة في العالم واثار ومزارات دينية وشواطئ وترفيه ومحميات وغيرها وغيرها اللي تخليها تنطلق من القطاع دا والحقيقة اللي بيحصل في موضوع السياحة دا شغل كبير جدا ولاول مرة هيكون مخطط وفيه هدف.

وبلغة البيانات والارقام سجلت مصر موسم سياحي قياسي للعام التاني على التوالي، رغم الاضطرابات الإقليمية، واستمرار الحرب بين روسيا وأوكرانيا وهما  أكبر سوق سياحية تاريخي إلى مصر. 
الهيئة العامة لتنشيط السياحة التابعة لوزارة السياحة والآثار المصرية، كشفت إن إجمالي التدفقات السياحية الوافدة خلال اول 7 شهور الأولى من  2024 تجاوزت 8 ملايين سائح، متوقعة جاوز إيرادات القطاع بنهاية العام الجاري 14 مليار دولار.

وكشفت الهيئة أن الأعداد المتوقعة خلال العام الجاري هتتخطى 15 مليون سائح مقارنة بـ 14.9 مليون سائح بنهاية 2023، وأن الفترة من يناير وحتى منتصف أغسطس الجاري شهدت نمو في مستويات الإنفاق بنسب تتراوح بين 12 و14%.

وزي ما احنا عارفين مصر سجلت نمو سياحي هو الأكبر خلال  2023، بنمو 27% وبايرادات 13.2 مليار دولار. وتخطت أكبر تدفق سياحي حققته مصر في 2010 وبلغ 14.7 مليون سائح، وكانت وزارة السياحة والآثار المصرية بتسعى في استمرار النمو خلال العام 2024 والوصول إلى 18 مليون سائح لكن بسبب الظروف الجيوسياسية اللي في المنطقة موصلتش للأرقام دي.

وبحسب الأرقام السوق الألمانية لسه متصدرة التدفقات الوافدة لمصر حتى منتصف أغسطس الجاري وتأتي بعدها السوق الروسية بفارق طفيف، بمعدل نمو 10%.. وفسر خبراء السياحة إستمرار تصدر السوق الألمانية للحركة السياحية خلال الفترة اللي فاتت إلى استمرار نمو الحصة السوقية لمصر، مع نمو رحلات الطيران في مقابل محدودية الطيران مع روسيا، بسبب الحرب الأوكرانية .
طيب الأرقام دي معناها إيه ؟
أكيد طبعا معناها إن مصر تقدر تعظيم التدفقات الدولارية من الموارد اللي عندها زي السياحة وقناة السويس والتصدير والاستثمار وعندها اكتر من خيار وطريقة تقدر بيها تهزم الدولار واي عملة تاني كمان.. ومعنى الأرقام الأخيرة في السياحة إن فيه مليارات الدولارات اللي داخلة السوق المصري وخزينة البنك المركزي ودا هيساعد في انتصار الجنيه على غريمه الدولار في معركة البقاء الاقوى.