تطور خطير في سوق السيارات.. يا ترى إيه اللي بيحصل؟

يا ترى ايه اللى بيحصل فى سوق السيارات فى مصر؟ وليه رجعت من جديد ظاهرة الأوفربرايس بعد ما كانت اختفت من شهر مارس اللي فات؟ وهل كده العربيات سعرها هيرجع يزيد بمعدلات كبيرة زي قبل التعويم ولا الدنيا رايحة على فين؟ ولو عاوز تشترى هلى تشترى دلوقتي ولا تستنى شوية؟

فيه حالة كبيرة من حالات الارتباك بتسيطر على سوق السيارات في مصرمع توقف عمليات الاستيراد الفترة الأخيرة وده طبعا ساهم فى عودة   ظاهرة "الأوفر برايس" بقوة من جديد.. واللى تزامن مع عود تها كمان  تعرض سعر الصرف في مصر لبعض الضغوط وتراجع الجنيه المصري أمام العملات الأجنبية ليقترب سعر الدولار من 50 جنيه بعد فترة طويلة من الاستقرار كان بيتم تداول الدولار فيها عند مستويات ال 47 جنيه أو أكتر شوية.

وفي يونيو ويوليو تحديدا تراوح سعر الدولار بين 47 و48 جنيه بعد تعويم الجنيه المصري في مارس وخسارة نحو 60% من قيمته.

طب ايه هو الاوفربرايس ده؟

بص يا افندم .. الاوفربرايس ده عبارة عن مبلغ زيادة عن السعر الرسمي للعربية المعلن عنه من الوكيلاو شركة التوزيع يعنى مثلا لو عربية سعرها مليون ممكن تلاقي عليها اوفربرايس 300 الف جنيه

طب وايه الى يخلى حد يدفع اوفربرايس كبير كده ؟

هى دي اللعبة اللى الوكلاء والموزعين بيلاعبوها .. هنفترض ان حضرتك عاوز عربية تويوتا كورولا سعرها الرسمي 1350 الفجنيه لو رحت لأى معرض عشان تشتريها بالسعر ده هيقولك العربية مش موجودة وممكن تحجز وتستلتم بعد سنة بس لو مستعجل ممكن اوفرهالك باوفربرايس 300 او 400 الف وللاسف فيه ناس كتير بتخاف سعر العربية يرفع او بتكون مستعجلة فبتدفع الاوفربرايس

وبتختلف قيمة الزيادة في أسعار السيارات وفقا للمعروض عند كل تاجر خصوصا ان المتاح حاليا عبارة عن مخزون دون دخول بضايع جديدة وده بيدفع التجار لزيادة الأسعار

وكانت الشركات قبل كده بتحدد أسعارها بناء على سعر دولار بنحو 53 جنيها وهو سعر السوق الموازية وقتها وده طبعا اتسبب ففوارق سعرية كبيرة جدا بين السعر الحقيقي والسعر بالاوفربرايس لكن مؤخرا العملة بقت متوفرة والبنوك بتوفر للشركات والمستوردين كميات الدولار اللى محتاجينها

وطبعا عودة ظاهرة الـ "أوفر برايس" من ججديد بتثير تساؤلات حوالين أسباب التناقض في السوق خصوصا انه بيضغط أكتر على المشترين.

وسجلت مبيعات سوق الشاحنات في مصر تراجعا بنسبة 18.4% خلال الربع الأول من العام الحالي بالمقارنة بنقس الفترة من العام الماضي؛ لتحقق بيع 2889 شاحنة، بدلاً من عدد 3542 شاحنة في 2023، وذلك بعد أن سجل العام الماضي نسب تراجع وصلت لأكثر من 70% في بعض الأشهر، ويرجع للفضل للشاحنات الخفيفة التي حققت زيادة بنسبة 81.5% عن العام الماضي 2023، وفقا لأحدث تقرير لمجلس مبيعات سوق السيارات "أميك ".