العجلة دارت.. إيه موضوع الثورة الصناعية الرابعة ده ولغز قرارات مدبولي

إيه حكاية الثورة الصناعية الرابعة دي وليه مدبولي مهتم بيها  وإيه حكاية لقاءاته الكتير مع رجال الصناعة المصريين والاجانب وياترى العجلة دارات ولا لسه.. شوف الفيديو دا وهنعرف كل  التفاصيل
 

زي ما احنا عارفين الريس السيسي واخد موضوع الصناعة المصرية دي بأهمية شديدة ودور حوليه ولقى إن الفريق كامل الوزير هو اللي يقدر يحل العقد ويقلب الملف دا ويحل كل مشاكله وهو اللي يقدر يعمل صناعة مصرية قوية بجد تحل كل أزمات الدولار والأسعار والتضخم والموارد الاجنية وتخلص مشاكل الاستيراد وتضمن وفرة في العملات وتشغيل الايدي العاملة وزيادة التنافسية المصرية في الاسواق الدولية لان دا ملف وحده كفيل ينهي كل أزمات الدولة المصرية واللي مشكلتها الاساسية في الدولار..
المهم كلنا شفنا القرارات الأخيرة في ملف الصناعة وإزاي الحكومة قررت منع اغلاق أي مصنع إلا بالعرض على مجلس الوزرا دا غير حل أزمة المصانع المقفولة والمتعثرة وغير بداية توطيبن صناعات جديدة وضخمة وفي كل المجالات  ودا غير إن فيه ثورة في اجراءات التراخيص الصناعية والاجراءات والتصاريح وكله هيخلص من شباك واحد وفي ساعة واحدة.
طيب ايه الجديد في ملف الصناعة دا؟
شوف حضرتك من شوية مركز المعلومات ودعم اتخاذ القرار بمجلس الوزراء، أصدرعدد جديد من نشرته الشهرية تحت عنوان القاعدة القومية للدراسات واللي بتمثل ثمرة رصد وتجميع وتوثيق للدراسات اللي بتتناول موضوعات وبحوث تتعلق بمجالات التنمية الاقتصادية والاجتماعية في مصر، سواء صدرت عن هيئات، أو مؤسسات، أو مراكز بحوث مصرية أو إقليمية أو دولية، وهي شكل من أشكال الإعلام الجاري وضمت النشرة في بيان دراسة باللغة العربية في موضوع الثورة الصناعية الرابعة والمتاحة على قاعدة بيانات الدراسات عن مصر خلال الفترة من عام 2021 لغاية سنة 2024، كما قدمت النشرة خلاصة توصيات لكل الدراسات اللي صدرت ونُشرت عن الجهات البحثية المختلفة ومنها معهد التخطيط القومي، والهيئة العامة للاستعلامات، وكليات التربية بجامعات عين شمس والعريش وأسوان وسوهاج والمنيا، وكلية الآداب بجامعة القاهرة، وكلية التجارة بجامعتي الأزهر وأسيوط.
طيب دا معناه إيه؟.. ببساطة حضرتك كده لأول مرة الحكومة هتتعامل صح مع ملف الصناعة لما قررت تسحب الابحاث اللي لاتقدر بتمن من الادراج واللي فيها روشتة انطلاق الصناعة المصرية وأهم المشاكل اللي بتواجها يعني زي دليل مصر عمله خيرة علماء الاقتصاد والصناعة والجامعات في مصر بيقولك إزاي تعمل ثورة صناعية مصرية لكن طبعا كل الابحاث دي كانت مركونة على الرف رغم إنه فيها حلول وأفكار سحرية لعمل قاعدة صناعية مصرية حديثة.
الجديد بردو إن مجلس الوزار أكد إن التغيرات المتسارعة اللي بيعيشها العالم دلوقتي عخلته يقف على أعتاب ثورة صناعية رابعة، لا يقتصر أثرها على تغيير شكل الصناعات وطرق الإنتاج، زي ما حصل في الثورة الصناعية التالتة، لكن بيمتد إلى تغيير في المعرفة من حيث الإنتاج والاستخدام والتطوير الرقمي، وعشان كده مصر لازم تكون مستعدة لدا، وقالت الحكومة أن الابحاث دي بتقدم مجموعة من الدراسات الصادرة عن المراكز البحثية المختلفة حول الثورة الصناعية الرابعة وأبرز توصياتها، واللي هتكون بداية الثورة المصرية في الصناعة.