ضربة موجعة للدولار.. دولة إفريقية تتخلى رسميا عن العملة الأمريكية
هو فعلا فيه دولة ممكن تستغنى عن الدولار فى معاملاتها الخارجية؟ وازاى ده ممكن يحصل ؟ وايه تأثيراته على نفوذ العملة الأمريكية؟ وليه أصلا فيه اتجاه عالمي حاليا للخلاص من هيمنة الدولار؟
فى الساعات الأخيرة وافق مجلس الوزراء الزيمبابوي على خارطة طريق لإلغاء الدولرة هتحدد الوسائل اللازمة لتشغيل عملة الزيغ كعملة قانونية للاستخدام في الاقتصاد.. وحدد المسؤلين فى زيمبابوي أوائل 2026 كموعد نهائي جديد لجعل الزيغ العملة الوحيدة في البلاد… ومن المتوقع أن يعزز البنك المركزي متطلبات الترخيص الإلزامي، واللي بتلزم مشغلي الأعمال بالحصول على حساب مصرفي وجهاز نقطة بيع.
طب ايه أهمية الخبر ده بالنسبة لبلد زي زيمبابوي؟
دولة زيمبابوي بتعتمد بشكل شبه كامل على الدولار اللى بيمثل 70% من جميع المعاملات الاقتصادية.. يعنى انت بتتكلم على بلد كل اعتمادها على الدولار فى التجارة الخارجية قررت بشكل مفاجيء التخلى عن العملة الأمريكية عشان ما تكنش تحت رحمة الأمريكان
ومن المتوقع أن يكشف وزير المالية الزيمبابوي عن الخطة الكاملة لإلغاء الدولرة.. وبتأتي مساعي زيمبابوي لإلغاء الدولرة، اللي لمح ليها الرئيس إيمرسون منانجاجوا لأول مرة في 2023، في وقت كان بيتعاظم فيه دورالدولار فى التجارة بين زيمبابوي وكتير من الدول
وبيُنظر إلى إطلاق العملة المحلية المدعومة بالدهب الزيغ في أبريل على أنه أول محاولة حقيقية للبلاد لتقليل اعتمادها على الدولار.
طب ليه فيه دول أصلا بدأت تتخلى عن الدولار؟
بص يا سيدي .. من بعد الحرب الروسية الاوكرانية واستخدام الولايات المتحدة الدولار كسلاح فى حربها ضد الروس والتحفظ على مليارات الدولارات الموجودة فى بنوكها ومؤسساتها المالية بالاضافة الى طرد موسوكو من نظام سويفت المالى العالمي وفيه اتحاه عالمي للتخلى عن الدولار واستبداله بعملات تانية .. وبيقود الاتجاه ده تحالف بريكس اللى بيسيطر على اكتر من 30% من حجم التجارة فى العالم واللى بيخطط لاطلاق عملة احتياط عالمية جديدة تكون بديلة للدولار وفى نفس الوقت دول التجمع بتوقع اتفاقيات تبادل عملات محلية وبموجب الاتفاقيات دي بيتم التبادل التجاري بين كل دولة والتانية بالعملاة المحلية لكل دولة يعنى مثلا الصين هتستورد حاجة من روسيا تدفع بالروبل وموسكو لو هتستورد حاجة من بكين تدفع باليوان وهكذا .. وطبعا ده هيقلل بشكل كبير جدا من الاعتماد على العملة الأمريكية
