لو عايز تتجوز أو تجيب عربية.. البنك ده هيديك 3 مليون جنيه بضمان مرتبك
يا ترى ايه قصة إن بنك يديك 3 مليون جنيه بضمان مرتبك، وهل هو بيديها للموظفين ولا لأصحاب المشروعات ولا كل الناس، ونسبة الفايدة بتاعة القرض ده هتكون كام.. هنقولك كل التفاصيل في التقرير التالي.
دلوقتي ميدبنك بيقدم قروض شخصية بأسعار فائدة منخفضة، وده بيبقى لعملائه اللي عايزين قرض، كمان البنك ده بيسهل تقديم الطلبات وفترات سداد القروض بضمان مرتبك.
تمويل ميد بنك بيوصل ل 3 مليون جنيه، وده حددته برنامج التمويل الخاص بيه، يعني لو حضرتك عايز تتجوز أو تشتري عربية أو حتى تشتري شقة محندقة كده، ميد بنك موجو، وأهم العملاء اللي بيقى لهم أفضلية التقدم للحصول على قروض شخصية، هم الموظفين سواء في الحكومة أو القطاع الخاص، وكمان أصحاب الشركات، وأصحاب المهن الحر، وأصحاب المعاشات.
طب مدة السداد قد ايه؟
بص يا سيدي، البنك عنده مرونة في مدة السداد، وبتكون بحد أدنى 6 شهور وبتصل إلى 144 شهر كحد أقصى، يعني براحتك خالص، لكن من أهم شروط القرض أنه متوفر بالعملة المحلية فقط يعني بالجنيه مش بالدولار أو اليورو أو عملة أجنبية.
ضيف على ده، إن القرض متوفر خصيصاً للمصريين، والبنك مش بيطبق أية قيود على المستوى الوظيفي أو قيمة الدخل،
ومن أهم مزايا قرض ميد بنك، إن سعر عائد تنافسي، ومتاح أقساط شهرية ثابتة طوال مدة القرض لسهولة سداد الأقساط، وكمان بيتم خصم الأقساط تلقائيًا من الرصيد المودع بالحساب، كمان في سهولة لسداد الأقساط من خلال أي فرع من فروع ميدبنك أو ماكينة الصراف الآلي أو عن طريق التحويل الإلكتروني.
وأخيرا، المستندات المطلوبة للحصول على القرض، هي صورة من بطاقة الرقم القومي سارية، ونموذج طلب قرض، وإيصال مرافق/خدمات حديث لم يمر على صدوره أكثر من 3 أشهر، وبتختلف باقي المستندات حسب دخل المقترض ونوع القرض.
وفي النهاية، يحق للبنك طلب مستندات إضافية إذا لزم الأمر، فلو حضرتك محتاج القرض ده لم ورقك واطلع على ميد بنك.
