وظائف جديدة والقبض بالدولار في اليونان... شوف نصائح واجراءات الحكومة لتسفير الشباب

نفسك تسافر تشتغل بره، ومش لاقي فرصة ولا عارف هتبدأ حياتك منين، دلوقتي وزارة العمل بتوفر فرض جديدة للشباب في اليونان والقبض هيكون بالدولار.. لو عايز تعرف كل حاجة عن الوظايف الجديدة.. وكمان التحذيرات اللي بيقع فيها الشباب كضحايا نصب باسم السفر شوف الفيديو ده للاخر
 

حلم العثور علي وظيفة أو اي فرصة عمل في الوقت الحالي حاجة بقت في منتهي الصعوبة وده بسبب ارتفاع اعداد الخريجين اللي يخرجوا لسوق العمل سنويا، وحاليا كل الشباب بيحاولوا بكل الطرق أنهم يلاقوا اي فرصة عمل كويسة، والعداد الأكبر بيدور بكل الطرق انه يسافر بره علشان الفرص اللي موجودة حاليا في مصر قليلة جدا وكمان الراتب بتاعها يكاد يكون مش موجود.
وعلشان اقولك علي الحل اللي هيخلصك من كل مشاكلك ، وكمان هتسافر تشتغل برا وهيكون القبض بالدولار.. مؤخرا وزارة العمل بتنهي إجراءات تسفير 5 آلاف عامل مصرى علشان يشتغلوا في الزراعة في اليونان، والإعلان عن موعد تسفير العمالة المصرية اللى هيتم اختيارها من الجانب اليوناني هيكون في خلال ايام.
وزارة العمل اعلنت مؤخرا أن الحكومة عقدت اتفاقية مع الجانب اليونانى لاستقدام 5 آلاف عامل مصرى للعمل بالموسم الزراعى في أثينا، وفعلا الحكومة بعتت بيانات كل الراغبين فى السفر للالتحاق بالوظائف اللي هتوفرها اليونان، وكمان الوزارة عملت المقابلات الشخصية للمتقدمين بديوان عام الوزارة للشباب اللي سجلوا بياناتهم في الفترات اللي فاتت .
الوزارة قالت كمان أن الحكومة اليونانية هتطلق منصة إلكترونية لاختيار العمالة المصرية لتسهيل الاجراءات علي الناس اللي عايزة تسافر تشتغل هناك، خصوصا أن اليونان هيا الوحيدة اللي مختصة باختيار العمالة وانه في وقت قصير قوي هيتم اعلان مواعيد السفر.
طيب هل وزارة العلمل هتفتح الباب تاني للناس اللي نفسها تسافر تشتغل.
الإدارة العامة للتشغيل بوزارة العمل حذؤت الشباب من التعرض للنصب باسم فرص العمل الموسمية، وأكدت انه مفيش اي وساطة في الوظائف المطلوبة من اليونان وكمان مفيش أى دور لشركات إلحاق العمالة بالخارج وكمان نفت مسئوليتها عن المكالمات والاجراءات اللي بيقوم بيها بعض الاشخاص مدعين أنهم من وزارة العمل باسم وزارة العمل وكمان الوزارة أكدت انها مش بتطلب اي رسوم أو مبالغ مالية المتقدمين بيدفعوها، خصوصا ان الوزارة في الفترة اللي فاتت جت لها شكاوى كتيرة عن التعرض لعمليات نصب من خلال مكاتب تشغيل مرخصة وغير مرخصة.
الوزارة قالت كمان، أن صور النصب علي الشباب باسم وزارة العمل من خلال تحصيل رسوم من الشباب نظير التسجيل في وظائف الزراعة اللي طالبها اليونان وكمان تحصيل رسوم تحت بند مقابلات القبول بها برسوم، ده غير الرسوم الخاصة باختبارات قياس المهارة والكشوفات الطبية واللي طبعا بتكون بمبالغ كبيرة واللي الشركات بتنصب علي الشباب وبيعملوها في واحدة من المستشفسات الخاصة وقالت أن كل دي حاجات شركات الحاق العمالة غير المرخصة بتقوم بيها للنصب علي الشباب.
الوزارة اختتمت كلامها وقالت أنه في الايام اللي جاية هتعلن عن اسماء المقبولين في الوظايف اللي مطلوبة في اليونان، وكمان اماكن الفحوصات الطبية اللازمة للسفر وكل الاجراءات الخاصة بالمقبولين .