لو معاك 50 ألف جنيه.. هتكسب ألف جنيه كل شهر بالطريقة دي
![صورة ارشيفية]( /UploadCache/libfiles/5/7/600x338o/183.jpg)
يا ترى إيه قصة ال 50 ألف جنيه اللي لو حطتيهم في البنك هتكسب ألف جنيه كل شهر، وهل دي شهادة ولا حساب إدخار، وهل ينفع أخد الأرباح دي كل شهر.. هنقولك التفاصيل الكاملة في التقرير التالي.
دلوقتي، البنك الأهلي المصري، بيطرح شهادة ادخار اسمها الشهادة البلاتينية اللي مدتها 3 سنوات، والعائد بتاعها متدرج وبيتصرف كل شهر.
يعني لو حطيت 50 ألف جنيه في الشهادة دي، العائد بتاعها في السنة الأولى هيبقي بنسبة 26%، وفي السنة الثانية 22%، والسنة الثالثة 22%.
طب إيه الحد الأدنى لفلوس الشهادة دي؟
الحد الأدنى عشان تشتري الشهادة
البلاتينية من البنك الأهلي، هو 1000 جنيه ومضاعفاتها..
كمان، ممكن تحط مبلغ 50 ألف جنيه، وهتحصل على عائد بحوالي ألف جنيه شهريًا في السنة الأولى، وتقريبًا 900 جنيه شهريًا في السنة الثانية، و750 جنيهًا شهريًا في السنة الثالثة.
وشهادة البنك الأهلي المصري، دي بتتيح إمكانية الاقتراض بضمانها، وإصدار بطاقات ائتمان بأنواعها المختلفة، لكن لا يمكن الاسترداد قبل مرور 6 أشهر من اليوم التالي للشراء، لكن مسموح تصرف أرباحها كل شهر.
ودي كانت تفاصيل استثمار فلوسك لو كانت 50 ألف جنيه في الشهادة البلاتينية.
ماتنساش، إن لجنة السياسة النقدية للبنك المركزي المصري، كانت قررت في اجتماعها الرابع السنة دي 2024 وتحديدًا الخميس الماضي، تثبيت سعري عائد الإيداع والإقراض لليلة واحدة وسعر العملية الرئيسية للبنك المركزي عند 27.25% و28.25% و27.75% على الترتيب، وسعر الائتمان والخصم.. وبكده تقدر تحافظ على فلوسك في الشهادات اللي بتديك نسبة فايدة عالية دلوقتي.