اشاعة الصندوق وخطة عصابات تجارالعملة.. مين بيلعب في السوق

ايه  للي حصل النهاردة وخلى مصر كلها مقلوبة ومين من مصلحته ينشر الاشاعات حولين الدولار وصندوق النقد الدولي وشروطه الجديدة.. تعالو نشوف اللي حصل في البنوك النهاردة واللي اتقال عن صندوق النقد ومين اللي قاله.. تابعونا لأخر الفيديو
 

النهاردة مصر استقلبت كمية اشاعات ملهاش عدد وكلها بتضرب تحت الحزام سواء اشاعات وقصص وتأليف عن سعر الدولار اللي طاير أو هيطير واللي هيرجع يعمل سوق سودا جديد وإن البنوك خلاص مبقاش فيها دولارات تاني وأيام الدولار أبو 70 جنيه راجعة من تاني وطبعا كلنا عارفين مين ورا الاشاعات دي وحلمهم إن السوق السودا ترجع امبارح قبل النهاردة وهما طبعا تجار العملة واللي بقوا مافيا وعصابات وليهم صفحات على السوشيال ميديا وكل همهم نشر الاشاعات والاكاذيب والتصريحات المزيفة عشان يربكوا سوق الصرف.
غبار تجار العملة انهم مش عارفين يستوعبوا طالما فيه سعر حر للدولار عمر السوق السودا ماهترجع تاني وكمان مفيش مجال أصلا انها ترجع لأن باختصار مفيش أزمات أصلا في الطلب على العملة الامريكية ومفيش مستورد واقف على عملة ولا فيه شحنات محجوزة في الجمارك ومصر بتسدد ديونها بانتظام وبالعكس التدفقات الدولارية شغالة كويس جدا وكل التوقعات العالمية بتقول إن الدولار هينزل لمستوى أقل من 45 جنيه يبقي فين الازمة  بقي .
الاشاعة التانية اللي أطلقتها منصات الشر هو استبعاد مصر من جدول اعمال صندوق النقد الدولي يوم 29 يوليو الجاري والخبر لف مصر وللاسف خدته مواقع وصفحات كتير من غير ماتكلف نفسها وتتأكد من الخبر أو حتى تدخل على صفحة الصندوق نفسها والمتاحة لكل الناس لكن طبعا المواقع والمنصات دي ماصدقت كتبت الخبر وانتشر زي النار في الحطب..
وطبعا مع الخبر المزيف كان فيه بهارات كتير زي إن الصندوق استبعد مصر من صرف الشريحة التالتة وإن الصندوق ليه شروط جديدة لازم الحكومة المصرية تنفذها زي رفع أسعارالوقود ورفع الدعم عن باقي السلع وخروج الحكومة من كل الشركات وطبعا مفيش حاجة من ده حصلت والصندوق مشالش ولا استبعد اسم مصر من جدول اعماله اللي جاي لكن طبعا المطلوب دلوقتي إن الاشاعات تغرق البلد وتنتشر عشان يحصل اقتناع في الاسواق ان الدولار هيرجع يقفز ومحدش هيلاقيه وهنا يبدأ تجار العملة يلموا الدولار اللي في السوق ويخزنوه عشان يرجعوا يبيعوه  ويكسبو ملايين الجنيهات.

اللي حصل النهاردة بيدي إشارة خطيرة وهي إن فيه أطراف وأجهزة لسه شغالة بتدبر وتخطط في الغرف المظلمة وبتقول إن المؤامرة القديمة على مصر لسه شغالة ومخلصتش  وإن الاطراف دي هتستغل أقرب اشاعة أو أزمة وتنفخ في النار على أمل إنها تولع البلد والاسواق وعمر ده ماهيحصل طبعا.