تفاصيل قرض الزفاف
![صورة ارشيفية]( /UploadCache/libfiles/5/6/600x338o/992.jpg)
نفسك تتجوز واهل خطيبتك طالبين منك طلبات كتيرة وانت ظروفك المادية علي قدها ولسه بتبدأ حياتك، ونفسك ربنا يعفك بالحلال.. لو عايز تعرف حل للمشكلة دي وتتزوج وتتهني بحب عمرك يبقي التقرير التالي ليك.
كل الشباب نفسها تتجوز وتفتح بيت، لكن عمرك حسبتها الجواز هيكلفك كام وانت معاك كام ومرتبك اصلا كام، وعمرك فكرت اهل خطيبتك او البنت اللي انت عايزها يطلبوا منك اية وذهب بكام وشقة بكام وعفش وغيره وغيره وطالبات ملهاش أول من آخر.
لو جيت فكرت شوية وحسبت الطلبات اللي اهل خطيبتك هطلبوها منك عمرك ما هتفكر من الشباب، وللاسف دلوقتي حصل عزوف وبنسبة كبيرة عن الزواج بسبب المغلاه اللي بتكون من اهل العروسة خصوصا ان ام البنت عندها كلمة وتحس أنك البلد كلها حافظينها وبتتقال من المناسبة دي وهي ان بنتي مش رخصية لازم اللي ياخذها يدفع دم قلبه علشان يعرف أنها غالية ويحافظ عليها.
مع كل الطلبات دي الشباب بيقف ساكت وبيكون الحل الأسهل بلاش منه الزواج خالص، وقبل ما تقول كده انا هقولك علي حل هيحل لك كل مشاكلك تماما وتقدر منه تتجوز وتتلم مع شريك حياتك وتبدا حياتك وتسدد علي راحتك
الحل اللي هقولك عليه قدمه بنك القاهرة واللي اعلن عن تقديم قروض تمويل الزواج للموظفي القطاعين العام والخاص وكمان المهن الحرة بسعر فائدة ميسرة تقدر تسددها علي مهلك بكل اريحيه .
طيب اية هيا الشروط اللي حددها بنك القاهرة علشان العملاء يقدروا يحصلوا علي قروض الزواج؟.
بنك القاهرة أعلن عن شوية شروط لحصول العملاء علي قروض الزواج واللي بتوصل ل500 الف جنيه وهيا أن يكون سن العميل اللي عايز القرض ميقلش عن 21 سنة والحد الأدني للدخل الشهري بتاعه ميقلش عن 300 جنية شهريا، وكمان حدد فترة سداد قيمة القرض من 6 شهور ولحد 120 شهر يعني هتسدد علي اطول فترة ممكنة وباقل مبلغ هسدده شهريا.
أما بالنسبة للاوراق اللي حددها البنك لتقديم القروض للعملاء فيها، أن العميل لازم يكون معاه بطاقة شخصية وصورة منها وشرط أنها تكون سارية وصورة إيصال من المرافق بشرط ميكونش مر عليها أكثر من 3 شهور.