لو قبضك 900 جنيه.. البنك الزراعي هيديك "نص مليون".. اعرف الحكاية بالتفصيل
يا ترى إيه قصة النص مليون جنيه اللي بيديها البنك الزراعي لأصحاب قبض ال 900 جنيه، وهل ده قرض لكل الناس ولا لفئات معينة.. هانقولك التفاصيل في الفيديو ده.
في الحقيقة، البنك الزراعي المصري، بيعتبر من أهم البنوك اللي بتخدم فئات كتيرة من المجتمع المصري، مش بس المزارعين، لأ ده بيدعم صناع وتجار وكمان شباب وأصحاب معاشات.
ومؤخرا، البنك الزراعي بيقدم ميزة جديدة لأصحاب المعاشات، وهي بتتلخص في برنامج القرض الشخصي، واللي بيتيح ليهم إمكانية الحصول على قرض بيوصل لنصف مليون جنيه.
في الحقيقة، القرض ده بيبدأ من 5 آلاف وبيوصل ل 500 ألف جنيه يعني أنت واحتياجك، ومن هنا البنك ممكن يقرضك اللي انت عايزه بس بشرط أن معاشك يتخطى ال 900 جنيه.
طب إيه المستندات المطلوبة، المستندات هي: صورة ضوئية لبطاقة الرقم القومى بشرط أن تكون سارية، وتعهد بتحويل المعاش، وإيصال مرافق حديث "غاز كهرباء مياه".
وأما عن مميزات قرض أصحاب المعاشات من البنك الزراعي المصري، فهي: إن المبلغ اللي ممكن تجيب بيه القرض زهيد جدا وهو 900 جنيه بس.. يعني متاح لكل الناس اللي بيحصلوا على الحد الأدنى للمعاش، وكمان عائد القرض سنوي متناقص، أما فترة السداد فبتوصل لـ 10سنوات.
ضيف على كده، إن في تسهيلات في السداد، وكمان وثيقة تأمين على الحياة.
كمان البنك الزراعي، بيوفر تمويلات للشركات الصغيرة ومتناهية الصغر، زي مشروعات الثروة الحيوانية، والثروة السمكي، والتصنيع الزراعي، و
تشغيل وإنشاء مناحل لإنتاج العسل، وكمان مشروعات التنمية الريفية والبيئية، وغيرها زي التسويق الزراعي والأنشطة التجارية المتعلقة بها، زي تسويق المحاصيل الزراعية، والإنتاج والإستصلاح الزراعي والأنشطة الصناعية المرتبط بالزراعة بكافة أنواعها.
وفي النهاية، لو حضرتك من أصحاب المعاشات وعاوز قرض.. لم ورقك واطلع جري على البنك الزراعي.
