بعد اللي حصل النهاردة في فوافون كاش.. هل انستاباي والمحافظ الكاش أمان؟
![فودافون]( /UploadCache/libfiles/5/6/600x338o/929.jpg)
إيه اللي حصل النهاردة في محافظ الكاش وليه حصل رعب بين عملاء فودافون كاش تحديدا وإيه سر رسايل السحب اللي جاتهم الصبح بدري النهاردة وهل المحافظ دي أمان وهل ده ممكن يتكرر في انستاباي .. تابعونا للاخر هنعرف ايه اللي حصل.
النهاردة الصبح بدري كده عدد من عملاء فودافون كاش جاتلهم رسايل بتحويل أموال من حساباتهم إلى أرقام تانية وطبعا من غير اي تدخل يعني الشركة كانت بتبعت رسايل من غير ما أصحاب الحسابات ما يحولوا الفلوس وطبعا اللي حصل نشر الرعب بين بقية العملاء وخاصة لما الموضوع لف على السوشيال ميديا ومواقع التوااصل الاجتماعي لغاية الشركة ما طلعت بيان كشفت فيه اللي حصل وعشان تطمن العملاء واعترفت خدمة العملاء لـ فودافون كاش بوجود عطل في الخدمة، تسبب في إرسال رسائل بسحب مبالغ مالية من حسابات العملاء.
وأكدت خدمة العملاء أنه لا صحة لما يتم تداوله من سحب أموال وأن أرصدة العملاء كما هي وأنه لم يتم سحب مبالغ من أي عميل وأن العطل كان السبب في ارسال رسايل للعملاء.
طبعا بصرف النظر عن اللي قالته الشركة أو اللي لسه هتقوله أي خطأ أو عطل في مووضوع تحويل الفلوس واختراق الحسابات دا بيجنن المصريين لأن دي فلوسهم وتحويشة عمرهم مش هيستحملو اإنها تروح ورغم بيان الشركة لكن الناس لسه مش مطمنة وعشان كده هنقولكم في بانكير عن عوامل الأمان في محافظ الكاش وتطبيق انستاباي عشان تبقوا مطمنين.
نتكلم الأول عن تطبيق انستاباي وهو أكتر تطبيق من حيث الامان في التطبيقات تحويل الأموال في مصر والمنطقة كلها لأنه تحت تابع وتحت اشراف كامل من البنك المركزي المصري وبيديره مجموعة عمل على أعلي عمل احترافي في البنك المركزي ومحصن ومحمي ضد أي أعطال أو هجمات سيبرانية وكمان الفلوس اللي فيه مضمونة أكتر من بيتك وخزنتك وده بردوا ماينفيش أن فيه أعطال فينية بتحصل في حدود المتوقع لأنه في النهاية ده سيسيتم زي فيسبوك بوك وتويتر أو اكس لما بيعطلو لفترة يعني كل شيء وارد بس أهم حاجة اجراءات الامان اللي موجودة وحفظ فلوس الناس ودي متوفرة في تطبيق انستاباي ومفيش اي قلق منها.
وبالنسبة للمحافظ الالكترونية فدي خدمات تم إطلاقها ضمن حطة الشمول المالي وبيتم تحويلها من أرقام محمول لأرقام تانية لكن مش بتبتعت أو تحول لاانستاباي لكن العكس هو اللي بيحصل يعني لو هتحول من الانستا لأي محفظة بيتم التحويل ورغم كده شبكات الكاش فس شركات المحمول عندها عوامل أمان كبيرة طبعا وباشراف الجهات المختصة في الدولة ومنظومة كاملة بتشرف عليها فرق فنية متخصصة لتوفير اقصى درجات الأمان لفلوس الناس طبعا لكن زي ما قلنا العطل وارد لكن الأمان موجود.