سقف عالي وفرصة... شوف أرخص عربيات كروس أوفر في مصر وإيه مميزاتها

 
لو نفسك تركب عربية تكون مريحة وموفرة في المصاريف وترحمك من بهدلة المواصلات، وتكون فلوسها علي قد الايد ويا سلام لو عربية كروس أوفر.. يبقي الفيديو ده ليك.. شوف اية هيا أرخص عربيات الكروس أوفر واية هيا مميزاتها عن باقي العربيات.

العربيات مع مرور الوقت بقت حاجة اساسية في حياتنا خصوصا ان مشوارينا في الوقت الحالي بقت كتيرة جدا والمواصلات للاسف بقت بهدله، وكل مشوار عايز طقم أو غيار جديد علشان خاطر توصل محل شغلك أو المكان اللي انت رايحه وشكلك يكون كويس ونظيف بدون ما تعرق أو تتبهدل .
الاحلام اللي بقولك عليها دي مش هيحققها ليك غير انك تكون معاه عربية، ولازم تكون عربية نظيفة علشان ترحمك من بهدلة بتوع الصيانة والاعطال الكتيرة والمصاريف اللي مش لها اول من آخر، ده غير انك لو اشتريت عربية تعبانة أو علي قدها مش هتلاحق عليها لا مصاريف صيانة ولا غاز أو بنزين وفي الحالة دي العربية هتكون محتاجة ميزانية لوحدها.
طبعا انت دلوقتي بتقول ليه عقدتها في وشي واية هو الحل... الحل انك تشتري عربية مريحة وجديدة وفلوسها علي اد الايد وهيا العربية كروس أوفر واللي بتتميز بمحرك رباعي الأسطوانات بسعة 1500 سي سي، يولد وقوة 113 حصان وعزم دوران بيوصل لـ 146 نيوتن في المتر، والنوع ده من العربيات بيتميز بأداء ديناميكي ملحوظ واستجابة فائقة ومحرك أوتوماتيكي علشان راحتك وانت سايق العربية.

طيب اية هيا مميزات العربيات كروس أوفر دي؟.
العربيات كروس أوفر موجودة في الاوسواق بعده موديلات اهمهم العربية جاك جي اس تو وهي متوفر فيها وسائل حماية وأمان ومجهزة بمنظومة الوسائد الهوائية  اللي بتضمن حماية فعالة للركاب في حالات الحوادث وظام الفرامل المانعة للانغلاق  واللي بتساعد على المحافظة على استقرار السيارة وقت الفرملة الشديدة، ونظام التوزيع الإلكتروني للفرامل  والل بيعزز من كفاءة الفرامل في مختلف الظروف، ونظام الثبات الإلكتروني  واللي بيخلي العربية تشتغل علي تحسين الثبات في مختلف الطرق، ونظام المساعدة لطلوع المرتفعات واللي بيساعد على تسهيل القيادة في المناطق الجبلية.
طيب اسعار النوع ده من العربيات كورس أوفر بيوصل لكام؟.
العربيات من نوع جاك أس تو بيوصل في السوق المصري حاليا الي 699 الف جنية بس، ولو جيت حسبتها هتلاقي الرقم ده هيجيب لكل عربية كويسة بس مستعملة، ولكن انت ممكن بالرقم ده تشتري عربية فيها كل الكمليات والرفاهية اللي مش موجودة في عربيات كتيرة معروفة ومنتشرة بشكل كبير في السوق المصري، ده غير أنها عربية سقفها عالي يعني هتكون مريحة في السفر وكمان هتكون حنينة معاك في المطبات وفي الشوارع عندنا واللي مليانة حفر وهتقدر تحافظ عليها من التجريح الحك في الأرض وانت ماشي وكمان مطمئن أنه مش هيحصل لها حاجة تاثر عليها .