رجل السيسي في الملفات الصعبة.. أهم وزير في حكومة مدبولي

هتحفروها في قد إيه ياكامل.. في 5 سنين يافندم.. هي سنة واحدة يا كامل.. فاكرين الجملة دي  قالها الرئيس عبدالفتاح السيسي امتي للواء كامل الوزير.. أيوا زي ماحضرتك قلت من 10 سنين لما مصر قررت تغير تاريخ ومسار التجارة الدولية بحفر قناة سويس جديدة ومن هنا عرف الناي الفريق كامل الوزير رئيس الهيئة الهندسيبة للقوات المسلحة واللي بيرجع ليها الفضل في إنشاء الاف المشروعات في أزمنة قياسية وضد طبيعة الأشياء والمنطق.
لما كترت خوادث السكة الحديد واللي كانت تقريبا خارج الخدمة بسبب تردي الاحوال فيها والاهمال والفساد المتراكم من عشرات السنين كلف السيسي الفريق كامل الوزير بتولي وزارة النقل وقاله عاوز اشوف مرفق زي الحديد وزي اللي موجود في الخارج وهي سنة ياكامل بردو وفعلا شوفوا دلوقتي اللي حصل واللي لسه بيحصل في قطاع النقل كله مش هيئة السكة الحديد بكل الل فيها من محطات وقطارات ومرافق وأنظمة الكترونية لكن حضرتك بص على كل مشروعات الطرق والمحاور والكباري والانفاق والمواني واللوجستيات وخطوط القطارات الكهربائية والمترو الجديدة والقطار السريع والمونوريل وغيرها .

عشان تتخيل حجم الشغل اللي اتعمل في قطاع النقل كله  الدولة صرفت  665 مليار جنيه استثمارات عامة في القطاع ده خلال 8 سنين فقط منهم 130 مليار جنيه استثمارات قطاع النقل البحرى خلال 10 سنوات.
مشروعات الوزير في النقل خلت تصنيف مصر الدولي في جودة الطرق يقفز 100 مركز مرة واحدة وقبل الولايات المتحدة وألمانيا وكأن التصنيف ده بيرد الحق لأصحابه وبيقولك حجم اللي اتعمل ايه.
ميزة كامل الوزير إنه مايعرفش حاجة اسمها مستحيل لكن مشكلة عنده ليها حل وكان مؤمن إن الانسان المصري يقدر يعمل معجزات وحصلت فعلا المعجزات وحكى عنها الوزير أمام الرئيس السيسي في أكتر من موقف عن أزمات كبيرة قدروا المهندسين المصريين يحلوها.

اللي اتعمل في وزارة النقل بكل قطاعاتها هيفضل حكايات عن قوة الوزير وشخصيته في إدارة المنصب وكامل الوزير مكانش بيقعد في المكتب ولا تحت التكييف لكن كل ساعة في موقع إنشاء ويوجه وينجز ويحمس العاملين وده سر نجاحه واللي خلاه يبني أعظم بنية تحتية فتحت الباب بعدها للاستتصمارات والشركات الاجنبية عشان تيجي تشتغل وتستثمر ولولا البنية الاساسية دي كانت مصر دلوقتي  شبه انهارت.
النهاردة الوزير كامل الوزير حلف اليمين الدستورية كوزير للنقل والصناعة بعد ضم الوزارة الأخيرة ليه ومن ساعة الاعلان عن ضم الوزارتين وتقدر تقول ديوان الصناعة مقلوب لانه الكل هناك عارفين كامل الوزير مش بيحب يجامل ولا بيعرف الهزار ولا بيسمح بالتسيب والاتكال..  وعارفين إنه بالبلدي كده هيكهربهم ومحدش هيقعد في مكتبه لغاية كل المشاكل اللي في الوزارة تتحل يعني كامل الوزير مش هيسيب مصنع واقف على حاجة تافهة ومش هيسمح إن خطوط الانتاج توقف وهو قادر إن يعمل قطاع صناعي عالمي على غرار اللي عمله في الطرق والبنية الاساسية واللي اتفوق فيها على دول أوربية كتيرة.