نفسك في عربية زيرو أو قرض قطاع خاص بدون تعقيد..أعرف احسن البنوك
![قرض السيارة]( /UploadCache/libfiles/5/6/600x338o/152.jpg)
لو عاوز قرض تشتري بيه عربية زيرو أو مستعملة ولو انت موظف قطاع خاص ومحتاج قرض وممعاكش أي ضمانات غير مرتبك ..متقلقش هنقولك ازاي وايه أفضل بنوك بتديك قروض السيارات والقروض الشخصية للقطاع الخاص.. خليك معانا وهتعرف التفاصيل
بنك الإسكندرية من أهم البنوك اللي بيقدم مجموعة متنوعة من برامج التمويل، من بينها قرض السيارة بضمان الوظيفة، وكمان بدون مقدم وبتقسيط يصل إلى 8 سنين يعني فرصة مش هتلاقيها كتير في البنوك كأنك بتشتري سيارة ببلاش.
وبخصوص تفاصيل قرض السيارة من بنك الإسكندرية.. شوف ياسيدي حسب جدول برامج التمويل لشهر يونيو الجاري المنشور على الموقع الرسمي للبنك، يمكن للعملاء الحصول على التمويل بدون دفعة مقدمة وبسعر عائد تنافسي، بالإضافة إلى تأمين على الحياة.
ايه هي طيب مزايا القرض السيارة من بنك الإسكندرية؟
أولها ياسيدي أن مدة التمويل أو القرض زي ما قلنا بتوصل ل8 سنين وبيوصل قيمة القرض إلى 2 مليون جنيه، حسب فئة العميل والشريحة.
كمان نسبة التمويل بتوصل إلى 100% من قيمة السيارة يعني مش هتدفع جنيه من جيبك.
وبالنسبة لشروط الحصول على قرض السيارة من بنك الإسكندرية فهي شروط ميسرة يعني بالنسبة للأفراد العاملين في الشركات العاملة في مصر، الراغبين في شراء سيارة جديدة أو مستعملة مايقلش عمر العميل عن 21 وألا يزيد عن 65 سنة
وتكون مدة الحد الأدنى لمدة العمل 3 أشهر مستمرة
أما المستندات المطلوبة فهي .. صورة من بطاقة الرقم القومي... وخطاب مفردات مرتب.. وفاتورة مرافق حديثة (غاز، كهرباء، تليفون) لا يتعدى تاريخها 3 أشهر... وعرض سعر ساري للسيارة...
وبكده بنك الإسكندرية بيقدم لعملائه فرصة الحصول على تمويل مرن وسهل لشراء سيارة، سواء كانت جديدة أو مستعملة..
...
من قرض السيارة هنروح للقروض الشخصية وكتير حظا منو الناس وخاصة موظفي القطاع الخاص بيبعبتوا يسألوا عن القروض الشخصية بضمان المرتب أو من غيره من البنوك وتفاصيل القروض دي .. شوف ياسيدي كتير من البنوك بتقدم الحقيقة أنواع مختلفة من القروض الشخصية لموظفي القطاع الخاص، ومنها قروض دون ضمان تحويل مرتب، حيث يقدّم بنك التعمير والإسكان قروضا شخصية للعاملين في القطاع الخاص دون ضمان تحويل مرتب.
أول حاجة معانا قرض موظفي القطاع الخاص بدون تحويل مرتب في بنك التعمير والإسكان..
وبخصوص تفاصيل القرض ده فبتوصل نسبة الفايدة على القرض إلى 25% متناقصة تعادل 10.57 فايدة ثابتة، كمان البنك بيديك القرض بدون تحويل راتب، وبتوصل فترة السداد إلى 5 سنين وتبدأ قيمة القرض من 15 ألف جنيه لغاية 500 ألف جنيه، ويشترط البنك ألا يقل راتب الموظف عن 1500 جنيه.
وفي بنك القاهرة بتوصل نسبة الفايدة على القرض إلى 22% متناقصة، وبتتعادل عند 12.5% فايدة ثابتة، وبيقدم بنك القاهرة القرض لموظفي القطاع الخاص دون ضمان تحويل مرتب، وبتوصل مدة سداد القرض إلى نحو 6 سنين، وتتراوح قيمة القرض بين 1000 إلى مليون و500 ألف جنيه.