أخطر 36 ساعة في تاريخ مصر.. شوف اللي هيحصل
ليه الأربع الايام الجاية هي الأصعب والأخطر في تاريخ مصر وإيه اللي ممكن يحصل فيها وليه هتكون ايام صعبة.. لو عاوزين تعرفو التفاصيل شوفو الفيديو للأخر
مفيش أيام صعبة مرت على مصر زي اليومين دول وتحديدا من منتصف يونيو الساخن وكأن مصر موعودة بالاحداث الحزينة في الشهر ده على مدار تاريخها وكل الأحداث الصعبة والحزينة والصادمة بتوقع فيه وزي ما احنا شايفين إزاي الحكومة رفعت الدعم عن سلع استراتيحية زي الخبز والكهربا والبنزين حتى لو رفع جزئي وتزامن ده مع أصعب موجة حر في تاريخ مصر والعالم واللي سجلت فيها أسوان اعلى درجة حرارة على ظهر الكوكب كله.
وبسبب ارتفاع الحرارة الشديد تضاعفت كميات الوقود اللازمة لتشغيل المحطات خاصة اللي شغالة بالغاز الطبييعي واللي أصلا مصر بتعاني أزمة فيه بسبب تراجع انتاج حقل ظهر بالبحر المتوسط واللي كان بيمد البلد بحوالي 40 في المية من احتياجاتها وصادف كمان ارتفاع اسعار الوقود عالميا بشكل كبير يعني زي مابيقول المصريين المصائب لاتأتي فرادي.
طيب ليه اليومين اللي جايين هما اصعب أيام؟
زي ما احنا عارفين نتيجة الحر الغير مسبوق ومع ظهور أزمة تانية في كميات الغاز المطلوبة للتشغيل اضطرت زارة الكهربا لتخفيف الأحمال بسبب كثرة الاستهلاك ونقص الغاز وعشان سبب تالت الحفاظ على محطات الكهربا نفسها واللي تشغيلها في ظروف قاسية ممكن يعمل مشاكل كتير في التشغيل.
ونتيجة لده طبعا ظهرت حالة غضب شديدة ومشروعة بين المواطنين نتيجة زيادة مدة انقطاع الكهربا واللي وصلت ل3 و4 و5 ساعات في مناطق معينة نتيجة موجات الحر القياسية اللي بتضرب البلد ومع غضب المواطنين المشروع عشان المعاناة اللي بيلاقوها لما النور يقطع خاصة مع الاطفال وحديثي الولادة وكبار السن ومرضى ضيق التنفس والضغط وضيف على ده كله طلبة الثانوية العامة واللي بيمتحنوا دلوقتي وفي عرض ساعة يذاكرو فيها ظهرت طبعا موجات تحريض شديدة ضد الدولة في منصات تانية لأن فيه فرق انك كمواطن تنتقد اللي بيحصل وتطالب بعودة الكهربا وبين الدعوة للفوضى والتحريض رغم إن السبب الرئسي لانقطاع الكهربا هو موجة الحر الشديدة ودي حاجة خارجة عن الظروف والسيطرة لأنها من صنع الطبيعة وفيه دول كتير برهع معندهاش ازمة غاز اضطرت تخفف الأحمال عشان المحطات ماتعطلش.
ولان الموجة هتستمر لغاية الجمعة الجاية متوقع موجة الهجوم والتحريض والتسخين تزيد على منصات اهل الشر جوه وبره البلد وهيحاولو يستغلوها بأكبر قدر ممكن وبكل الوسايل ودي فرصتهم طبعا عشان يوقعوا البلد والناس تبطل تدعمها وانتو عارفين الباقي بقي.
