فلوسك هتتسرق.. أوعا تستخدم كروت الائتمان في الحالات دي
يا ترى ايه الحاجات اللى بتعملها وممكن تضيع فلوسك ؟ وليه لازم تركز وانت بتستخدم بطاقات الائتمان وانت بتشترى اى حاجة اون لاين؟ وليه باسورد البطاقة أهم حاجة ومش لازم تديه ولا تسيبوا لأى حد؟
تحميل كروت الائتمان أو الفيزا على الموبايل من الأمور المنتشرة الفترة الأخيرة وناس كتير بتستسهل الموضوع وتقولك اسجل البطاقة واحط الارقام بتاعتها على الموبايل فى اى موقع بيتشروا منه أون لاين عشان ميقعدوشيعملوا نفس الخطوات فى كل مرة ولكن للأسف التصرفات اللى من النوع ده ممكن تبقا كارثة كبيرة وتسبب فى ضياع فلوسك لأنك ببساطة بتدي الموقع أو التطبيقات اللى بتشترى منها اذن استخدام بطاقتك من غير الرجوع ليك وده بيخلى البيانات مُعرَّضة للسرقة، وبالتالي سحب الأموال دون علم صاحبها.
وحذرت بعض شركات الهواتف الذكية من تخزين كروت الائتمان والخصم على الموبايلات لأن ده بيعرضهم للسرقة في حالة ضياع الهاتف من خلال اختراق البيانات الشخصية
وفى الفيديو ده هنقولكم بعض الطرق الصحيحة لتخزين الكروت وفي الوقت نفسه تضمن حمايتها وتخليك تبقا مطمن وانت بتعمل اى عملية شراء اون لاين
وخد بالك تحميل بطاقة أو كارت الائتمان على الموبايل ، من أنجح وأضمن الطرق اللي بينصح باللجوء ليها لكن ممكن تحصل مشكلة في حالة واحدة بس وهي عدم وضع «باسوورد» أو كلمة سر أو حماية متقدمة بالصوت ربط الهاتف بالصوت أو التعرف على الوجه او غيرها من عوامل الأمان العالية جدا
وفيه عادة خاطئة ناسكتير مش بتاخد بالها منها وهي عمليات السحب من خلال ميزة الدفع بالـ “واي فاي” لأنك ممكن تكون فى مكان وتدخل على شبكة الواى فاى تعمل اى عملية بالبطاقة وتمشي وبعدها اى حد على الشبكة ممكن يدخل ويحصل على بياناتك البنكية وكده انت بتعرض مدخراتك وأرصدتك لخطر كبير جدا
وفى كل الأحوال عند سرقة كارت الائتمان أو الموبايل بتاعك اللى متخزن عليه بيانات بطاقتك لازم بسرعة تعمل بلاغ وتكلم البنك يوقف استخدام البطاقة لغاية ما تروح وتغير بياناتك لوقف السحب بالفيزا.
