مهمة إنقاذ.. أسرار رحيل حكومة مدبولي وتكليفات الرئيس الملحة
أخيرا الحكومة استقالت وفيه حكومة جديدة في الطريق هيشكلها الدكتور مدبولي بردو.. ايه سر استفاتلة الحكوومة الجديدة في التوقيت ده وإيه تعليمات الرئيس الملحة والعاجلة للحكومة الجديدة وهل بالتشكيل الجديد أزمات المصريين هتخلص وإيه أبرز الاسماء اللي هتتغير.. خليكم معانا هنعرف كل التفاصيل في التقرير التالي.
من ساعة ما الرئسس السيسي حلف اليمين لولاية جديدة في ابريل اللي فات وكنا متوقعين وقلنا هنا في بانكير إن الحكومة هتقدم استقالتها للرئيس كعرف وليس بموجب نص دستوري عشان لكل مرحلة رجالها وحكومة مدبولي عملت كتير وقدمت كل اللي عندها وأصابها الإرهاق من حجم الأزمات اللي شافتها بداية من كورونا لغاية أزمة الدولار وكل اللي حصل بعديها..
تعالو الأول نفكركم باللي حصل نهاردة.. البداية كانت باستقبال الرئيس عبد الفتاح السيسي للدكتور مصطفى مدبولي رئيس مجلس الوزراء، اللي قدم استقالة الحكومة للرئيس.
وحسب المتحدث باسم رئاسة الجمهورية المستشار أحمد فهمي، الرئيس أعاد تكليف الدكتور مصطفى مدبولي بتشكيل حكومة جديدة من ذوي الكفاءات والخبرات والقدرات المتميزة، وكلف السيسي الحكومة الجديدة بأهداف واضحة وعاجلة أولها الحفاظ على محددات الأمن القومي المصري في ظل التحديات الإقليمية والدولية، ووضع ملف بناء الإنسان المصري على رأس قايمة الأولويات، خاصة في مجالات الصحة والتعليم، وتطوير المشاركة السياسية، وعلى صعيد ملفات الأمن والاستقرار ومكافحة الإرهاب، وتطوير ملفات الثقافة والوعي الوطني، والخطاب الديني المعتدل على النحو الذي يرسخ مفاهيم المواطنة والسلام المجتمعي.
السيسي كلف الحكومة الجديدة بمواصلة مسار الإصلاح الاقتصادي، مع التركيز على جذب وزيادة الاستثمارات المحلية والخارجية، وتشجيع نمو القطاع الخاص، وبذل كل الجهد للحد من ارتفاع الأسعار والتضخم وضبط الأسواق، ضمن تطوير شامل للأداء الاقتصادي للدولة في جميع القطاعات.
لغاية هنا خلص كلام متحدث الرياسة.. والحقيقة من أهم التلكيفات اللي الرئسس قالها وكشفت ملامح الحكومة الجديدة هي ملف الاصلاح الاقتصادي وجذب الاستثمارات والحفاظ على السلام المجتمعي والأخيرة دي مهمة جدا لأن المصريين سلامهم الاجتماعي وصل لمرحلة صعبة بعد موجة زيادة الاسعار وغلاء المعيشة بشكل كبير والقرارات الاقتصادية الصعبة الاخيرة زي خفض الدعم عن الخبز المدعم وزيادة أسعار الكهربا والدواء وتوقعات رفع أسعار المواد البترولية واللي لو زادت هيحصل زيادات تانية للسلع اللي بتعتمد على النقل وعلى الوقود في الزراعة.
ومن هنا كان قرار الرئيس البحث عن حلول جديدة وتغيير الجياد في الحكومة الجديدة وضخ دم جديد من أصحاب الكفاءات وضخ دم جديد معناه بردو طرح أفكار جديدة لحل الأزمات االلي كانت موجودة ولسع الناس بتعاني منها وأهمها ملف زيادة الأسعار وضبط الأسواق ومواجهة الاحتكار والاستغلال ودي أهم حاجة بتهم المصريين دولوقتي وحكومة مدبولي المستقيلة رغم كل جهودها لكن فشلت في ضبط الأسعار رغم المبادرات.
طيب ايه ملامح الحكومة الجديدة .. شوف من تكليفات الرئيس الجديدة واضح إن اغلب المجموعة الاقتصادية هتوحشنا وهيتم استبدالها بكفاءات تانية خاصة في ملف التموين والصناعة والزراعة وغيرها من الحقائب الوزارية المعنية بالاقتصاد..
حكومة جديدة معناها زي ماقلنا فكر جديد وحلول مبتكرة للأزمات اللي بيعاني منها المصريين وهنشوف مفاجآت من العيار التقيل في التشكيل الجديد.
