تحرك خطير من الأمريكان.. إيه اللي بيحصل فى سوق النفط؟
![النفط]( /UploadCache/libfiles/5/5/600x338o/124.jpg)
يا ترى ايه اللى بيحصل فى السوق العالمي للنفط ؟ وليه الادارة الأمريكية قررت تلجأ للاحتياطي بتاعها من المواد البترولية؟ وهل اسعار الطاقة ممكن ترتفع الأيام الجاية؟
فى خطوة مفاجئة أعلنت إدارة الرئيس الأمريكي جو بايدن ضخ مليون برميل من البنزين من احتياطي شمال شرق الولايات في محاولة لخفض الأسعار في محطات النزين صيف 2024
وهيتم تخصيص عملية البيع من مواقع التخزين في نيوجيرسي وماين بزيادات قدرها 100 ألف برميل في المرة الواحدة.
وزارة الطاقة الأمريكية قالت ان الخطوة دي هتخلق عملية مناقصة تنافسية تضمن تدفق البنزين إلى تجار التجزئة المحليين قبل عطلة الرابع من يوليو وبيعه بأسعار تنافسية.. و بتهدف كمان للمساعدة في خفض التكاليف للعائلات والمستهلكين الأمريكيين في أعقاب تفويض من الكونجرس لبيع الاحتياطي الشمالي الشرقي اللى بيبلغ عمره 10 سنين تمهيدا لاغلاقه.
ويعد استغلال احتياطيات البنزين أحد الإجراءات القليلة اللى يحق للرئيس ياخدها بنفسه لمحاولة السيطرة على التضخم، وهي مسؤولية عام الانتخابات للحزب اللى بيسيطر على البيت الأبيض.
وأعلنت السكرتيرة الصحفية للبيت الأبيض إن إطلاق الغاز من احتياطي الشمال الشرقي بيعتمد على الإجراءات اللى خدها الرئيس جو بايدن لخفض تكاليف الغاز والطاقة بما فيها الإصدارات التاريخية من احتياطي البترول الاستراتيجي وأكبر استثمار على الإطلاق في الطاقة النظيفة
واستنزف بايدن الاحتياطي النفطي الاستراتيجي بشكل كبير في 2022 بعد الحرب الروسية في أوكرانيا وده أدى إلى انخفاض المخزون إلى أدنى مستوى ليه منذ تمانينات القرن الماضي.
وساعدت الخطوة دي في عام الانتخابات على استقرار أسعار البنزين اللى كانت بترتفع بشكل جنوني في أعقاب الحرب في أوروبا، لكنها أثارت شكاوى من الجمهوريين بأن الرئيس الديمقراطي كان بيمارس السياسة باحتياطي مخصص لحالات الطوارئ الوطنية.
وبدأت إدارة بايدن من بعدها في إعادة ملء احتياطي النفط اللى بلغ أكثر من 367 مليون برميل من النفط الخام لغاية الاسبوع اللى فات والإجمالي ده ليه برضوا أقل من مستويات ما قبل الحرب الروسية الأوكرانية، لكنه ما زال بيمثل أكبر إمدادات الطوارئ من النفط الخام في العالم.
ورغم ان اوبك بلس أكبر متج للنفط فى العالم واللى بتضم دول مهمة فى انتاج النفط لسه ما بدأتش محادثات رسمية بشأن تمديد تخفيضات إنتاج النفط الطوعية بمقدار 2.2 مليون برميل يوميا إلى ما بعد يونيو لكن التوقعات كلها بتقول انه هيتم مد قرار خفض الانتاج