أصعب أيام الدولار.. مفاجأة كبرى من البنك المركزي

هو ايه بالظبط اللى بيحصل فى سوق صرف العملات الأجنبية فى الأيام الأخيرة ؟ وايه سر هبوطسعر الدولار بالشكل الكبير اللى بيحصل؟ وهل 46 جنيه هو السعر العادل للعملة الأمريكية ؟ وامتى ممكن نشوف انخفاضات أكبر فى صرف العملات الأجنبية ؟ وليه لحد دلوقتى التدفقات الدولارية الكبيرة ما سمعتش فى سعر صرف الدولار؟

في الأسابيع اللى فاتت فيه حاجة غريبة بتحصل فى سوق صرف العملات الأجنبية ورغم التدفقات الدولارية الضخمة اللى وصلت مصر طبعا على راسها باقي فلوس صفقة راس الحكمة والمقدرة بحوالى 20 مليار دولار الا ان سعر العملة الأمريكية ما تراجعش بالشكل اللى كان متوقع ولسه الدولار بيعافر حتى وان كان سعره بيتراجع لكن التراجع مش كبير.. فيا ترى ايه سبب ده ؟ وامتى ممكن نشوف الانهيار الكبير للعملة الأمريكية؟

فى سوق الصرف وتحديدا فيما يتعلق بسعر الدولار عشان يحصل هبوط كبير الموضوع محتاج شوية وقت وخد بالك فى اجراءات فنية كتيرة بتحصل فى استلام أموال صفقة راس الحكمة من الامارات والموضوع محتاج شوية وقت على ما الفلوس تسمع فى البنك المركزي ويقدر ياخد منها جزء كبير ويضخه فى البنوك لتوفير طلبات الشركات والمستوردين لكن برضوا رغم كده محدش يقدر ينكر ان سعر الدولار بيتراجع مؤخرا والتراجع ده ليه سبببين الولى زيادة التنازل عن العملة الأمريكية فى البنوك وشركات الصرافة والتاني عودة تحويلات المصريين فى الخارج الى القطاع المصرفي مكن جديد بعد ما كان أغلبها بيروح للسوق الموازية نيجة فرق السعر الرهيب بين سعر الدولار فى البنوك وسعره فى السوق السودا واللى وصل فى بعض الأحيان الى أكتر من 70%

وكشف تقرير صدر مؤخرا عن بنك باركليز  البريطاني أن تحركات الجنيه المصري في السوق الرسمية بتشير إلى أن البنك المركزي المصري يدير سعر الصرف بفعالية.

وأكد التقرير ان نطاق تذبذب سعر صرف الجنيه مقابل الدولار يظل محدود على الرغم من التدفقات الكبيرة الأخيرة وده بيؤكد بان سعر الصرف الجديد مُدار في نطاق ضيق بحدود جنيه واحد مقابل كل دولار

ومن المتوقع وفقا للبنك البريطاني  أن مصر هتستخدم الدفعة الأحدث من صفقة الاستثمار مع الإمارات والبالغ قيمتها 14 مليار دولار في تعزيز احتياطيات البنك المركزي.. وتوقع البنك أن تعيد الأموال الجديدة  احتياطيات العملة الأجنبية إلى مستويات ما قبل 2022، مما يقرب الاحتياطيات الرسمية من 45 مليار دولار بينما تُستخدم بقية المبلغ في زيادة الاحتياطيات غير الرسمية.

وهتجتمع لجنة السياسة النقدية بالبنك المركزي بكره  لتحديد أسعار الفائدة الرئيسية.. وبيتوقع بنك "جولدمان ساكس خفض مصر أسعار الفائدة 150 نقطة أساس إلى 25.75% على الرغم من أن إجماع الآراء في السوق بيشير إلى الإبقاء عليها بدون تغيير عند 27.25%.

وقال البنك في مذكرة بحثية، إنه بيرى عدد من الأسباب لخفض أسعار الفائدة الرئيسية في المدى القريب عقب دورة رفع للأسعار أسفرت عن تشديد تراكمي للسياسة النقدية بواقع 19 نقطة مئوية في الفترة بين فبراير 2022 ومارس2024 وكمان سلسلة من التطورات الاقتصادية المؤثرة في البلاد زي صفقة رأس الحكمة الاستثمارية البالغة قيمتها 35 مليار دولار مع الإمارات، وتحرير سعر الصرف وإبرام اتفاق معزز مع صندوق النقد الدولي.