موعد إلغاء شهادتي 27% و 23.5%
لو مش واخد بالك يوم 23 مايو الحالي فيه اجتمعا للجنة السياسة النقدية التابعة للبنك المركزي المصري عشان تناقش سعر الفايدة وغالبا بيكون فيه الإعلان عن شهادات ادخار جديدة لو حصل تحريك للسعر.. شوف قبل القرار ايه افضل شهادات استثمار في البنوك دلوقتي وليه الاسثمار في الشهادت هو الأفضل دلوقتي.
زي ما قلنا إن لجنة السياسة النقدية هتجتمع يوم 23 مايو 2024، لمناقشة وتحديد أسعار الفايدة سواء بالخفض أو التثبيت أو الزيادة، وبعد كده بيكون فيه اجتمعا خاص للجان الأصول والخصوم أو (الألكو) في البنوك المصرية؛ وبيكون الاجتماع ده مخصص لمراجعة أسعار الفايدة على المنتجات المصرفية المختلفة، زي الشهادات والودايع وحسابات التوفير بأنواعها.
ومتوقع إنه يكون فيه خفض لأسعار الفايدة على شهادات أكبر بنكين حكوميين في مصر وهما الأهلي المصري ومصر، وتحديدًا شهادة العام ذات العائد 27% و23.5% و23%.
وسبق وأكد محمد الأتربي، رئيس اتحاد بنوك مصر، ورئيس بنك مصر، في تصريحات إن البنك بيدرس خفض شهادة الادخار مدة العام ذات العائد27%، ويصرف نهاية المدة و23.5% يصرف شهريًا، و23% يصرف يوميًا، في لجنة الإلكو القادمة.
وعشان كده هنقولك أهم المعلومات عن شهادة العام في البنك الأهلي المصري ومصر، قبل قرار اجتماع الألكو اللي جاي..
والبداية مع شهادة العام من الأهلي المصري ومصر
وبيطلق عليها في بنك مصر اسم طلعت حرب، وفي البنك الأهلي المصري اسمها الشهادة البلاتينية.
وبتصدر الشهادة للأفراد الطبيعيين فقط.
- الحد الأدنى لشراء الشهادة ألف جنيه ومضاعفاتها.
- مدة الشهادة عام.
- عائد الشهادة 27% يصرف نهاية المدة، و23.5% سنويًا يصرف شهريًا، و23% سنويًا يصرف يوميًا.
- العائد ثابت طوال المدة.
- يمكن الاقتراض بضمان الشهادة.
- إمكانية إصدار بطاقة ائتمانية بضمان الشهادة.
- يمكن استرداد قيمة الشهادة أو جزء منها بعد مرور 6 أشهر من تاريخ الشراء.
طيب ايه الميزة في الاستثمار في شهادات الادخار عن الدهب واللعقارات مثلا.. شوف شهادة الادخار أكتر استثمار آمن ومريح لأنك بتشتري الشهادة وبتاخد وانت مرتاح ومش شايل هم حاجة خالص ولا دهب ينزل أو يطلع ولاعقار هصبر عليه سنين عشان ابيعه.
