3 ضربات هتقضي على الدولار.. الجنيه كسب المعركة
هو ايه بالبظبط اللى بيحصل فى سوق صرف العملات الجنبية فى الفترة الأخيرة ؟ وليه العملة الأمريكية سعرها بينخفض ومواصل الانخفاض؟ وايه معنى ان الدولار يفقد حوالى 7% من قيمته من مارس اللى فات ولحد دلوقتي؟ وهل انخفاض قيمة الورقة الخضرا هيستمر كده على طول ولا ممكن تحصل تطورات جديدة؟
فى الساعات الأخيرة واصل الدولار تراجعاته أمام الجنيه المصري بنهاية تعاملات وبيقترب حاليا من انخافض الى مستوى 47 جنيه في بعض البنوك .. وبكده بتهبط العملة الأمريكية بنسبة تقارب 7% من أعلى مستوياتها الرسمية عند 50.45 جنيه والمسجلة في أول يوم لتعويم الجنيه يوم 6 مارس اللى فات.
الانخفاض اللى بيحصل فى سعر الدولار بيتزامن مع صدور تقارير أفادت بإمكانية ضغ استثمارات سعودية في منطقة رأس جميلة المطلة على ساحل البحر الأحمرواللي ممكن تؤدي إلى مزيد من الهبوط في قيمة الدولار أمام الجنيه المصري.. وده كمان بعد الصفقة الاستثمارية الكبرى مع دولة الإمارات في مدينة رأس الحكمة المطلة على البحر الأبيض المتوسط اللي مهدت الطريق لصفقة مع صندوق النقد وتحرير الجنيه أمام العملات الأجنبية.
وبحسب المعلومات المتاحة قدمت المملكة العربية السعودية عرض للتنازل عن ودائعها في البنك المركزي مقابل الحصول على عدد من الشركات الحكومية وإتمام صفقة "رأس جميلة".
وبتمتلك المملكة ودائع تصل قيمتها إلى حوالي 10.3 مليار دولار، منها 5.3 مليار دولار ودائع متوسطة وطويلة الأجل، و5 مليار دولار ودائع قصيرة الأجل.
ووفقا لمصادر مطلعة وقريبة من المفاوضات المصرية السعودية فالصفقات اللي هيشملها العرض السعودي بتضم مدينة رأس جميلة وشركة سيرا للتعليم، وهي شركة بتعمل في مجال الخدمات التعليمية في مصر وتدير 27 مدرسة، بالإضافة إلى حوالي 5 شركات تانية في قطاعات متعددة زي التطوير العقاري والصحة والطاقة والكهرباء والخدمات المالية والأغذية ومن المتوقع الإعلان عن الصفقات دي قريب جدا
كمان مصر بتنتظر إتمام المراجعة التالتة لبرنامجها مع الصندوق في يونيو وهيتم تقييم الالتزام بتنفيذ مقاييس الأداء بنهاية مارس اللى فات وتقديرات بنوك الاستثمار العالمية ان مصر هتنجح فى اتمام المراجعة خصوصا بعد تطبيق سعر صرف مرن وبناء على اتمام المراجعة الحكومة هتحصل على 820 مليون دولار.
ومن الأخبار اللى بتدعم توقعات خفض الفايدة ان صندوق النقد الدولي توقع زيادة حجم التدفقات النقدية الأجنبية إلى مصر من خلال أهم 5 مصادر لبها بنسبة تقدر بحوالي 13.7 مليار دولار خلال العام المالي الحالي ممثلة في زيادة نسبتها 14.6% مقارنة بالسنة اللى فاتت
ووفقًا لتقرير الخبراء الصادر في أبريل الماضي من المتوقع أن تساهم صفقة تطوير رأس الحكمة في زيادة الاستثمار الأجنبي المباشر إلى مستوى 32.2 مليار دولار، مقارنة بـ 9.7 مليار دولار خلال السنة المالية اللى فاتت واللى انتهت في يونيو 2023. و من المتوقع كمان ارتفاع إجمالي تدفقات النقد الأجنبي إلى مصر إلى 107.3 مليار دولار بحلول نهاية يونيو 2024.
