هتاخد 100 الف فى 24 ساعة وهتفتح حسابك فى 3 دقايق.. أول بنك رقمي هيعمل قلبان
يا ترى ايه حكاية أول بنك رقمي فى مصر؟ مين الشركة او الجهة اللى هتعملوا ؟ وايه المميزات اللى هيقدمها للعملاء بتختلف عن البنك العادي او التقليدي؟ وازاى هيتم التعامل مع البنك الجديد؟
من أيام وافق مجلس إدارة البنك المركزي المصري على منح شركة مصر للابتكار الرقمي الموافقة المبدئية لإطلاق أول بنك رقمي، وأعلنت الشركة عن اسم البنك الرقمي onebank وهو أول بنك رقمي في مصرب يحصل على الموافقة المبدئية من المركزي .
وبالقرار ده بتنتهي المرحلة الأولى من إجراءات الترخيص واللي شملت الفحص النافي للجهالة على البنية التحتية، وأنظمة البنك، والأمن الخاص بالأنظمة، عشان يتأكد البنك المركزي من قدرة البنك على تقديم الخدمات المصرفية للعملاء بشكل مستقر وآمن ويحمي أموال ومدخرات العملاء
وبيسعى "وان بنك" إلى تقديم مجموعة متنوعة من الحلول اللي بتؤدي إلى تطور الخدمات البنكية في مصر ومنتجات مخصصة متماشية مع نمط حياة العملاء من خلال استخدام التقنيات التكنولوجية المتطورة. وسهيمثل "وان بنك" إضافة هامة لأن من خلاله هيتم تقديم خدمات بنكية بأسلوب رقمي يلبي احتياجات العملاء من خلال تحديد الشرائح المستهدفة والمنتجات المخطط إتاحتها عبر البنك الرقمي، بما فيها خطط تكنولوجيا المعلومات، واستراتيجيات الأمن السيبراني.
طب البنك ده تأسيسه هيتكلف كام؟
شريف البحيري، الرئيس التنفيذي لشركة مصر للابتكار الرقمي كشف تفاصيل كتيرة عن قصة التاسيس وعن كل حاجةتخص البنك الرقمي وقال ان الشركة التابعة لبنك مصر استثمرت 2.5 مليار جنيه لغاية دلوقفتي فى تأسيس أول بنك رقمي في مصر،95% منها على التكنولوجيا المستوردة المستخدمة في البنك واعلن ان "وان بنك" هيبدأ عمله قبل نهاية 2024
وبيبلغ رأسمال "وان بنك" المدفوع 4 مليار جنيه وهيزيد إلى 5.5 مليار جنيه فى منتصف 2025 وتمّ بدء العمل على خطة إطلاقه من 5 سنواسنين ت، ومباشرة التنفيذ الفعلي بدأت في 2021.
طب كام عدد العملاء المستهدف الوصول ليهم من أول بنك رقمي ؟
“وان بنك” بيستهدف الوصول في أول سنة من عمله إلى 700 ألف عميل على ان يرتفع الرقم لأكتر من مليون عميل خلال أول سنتين ، أغلبهم من فئة الشباب وهيبدأ بعد كده استهداف الشركات متناهية الصغر والصغيرة، والشركات الكبيرة بعد مضي 4 سنين على بدء نشاط البنك.
وايه الخدمات اللى هيقدمها البنك الرقمي تختلف عن البنك التقليدي ؟
من البنك الرقمي يمكن للعميل فتح حسابه أو غلقه خلال 4 دقائق فقط، وهيستغرق وقت الحصول على قرض بقيمة أقل من 100 ألف جنيه 24 ساعة فقط
وحاليا بيضع البنك المركزي اللمسات الأخيرة لإطلاق شركة "الهوية المالية الرقمية" خلال النصف التاني 2024 ، بهدف إتاحة فتح الحسابات المصرفية إلكترونياً وعبر المحمول دون الحاجة للذهاب إلى فروع البنوك.
و"الهوية الرقمية" هي أي بيانات معالجة تقنياً تتعلق بشخص محدد مرتبطة ببيانات رسمية تتيح التقييم والمصادقة على المعاملات اللي بتتم عبر المنصات الرقمية.
