رعب في سوق العربيات.. مفاجأت مدوية في أسعار السيارات الجديدة.. وصدمة للتجار والموزعين

يا ترى ايه اللى بيحصل فى سوق السيارات فى مصر؟ وليه اسعار العربيات انخفضت بصورة ملحوظة فى الايام اللى فاتت ؟ وليه فيه موديلات اسعارها نزلت بأكتر من نص مليون جنيه؟ وايه المفاجأت اللي هتحصل الأيام الجاية؟ وازاى هيتصرف الموزعين والتجار في المخزون اللى عندهم؟ وايه علاقة كل اللى بيحصل ده بسعر صرف الدولار والانفراجة الكبيرة اللى هتحصل فى سوق الصرف الأيام الجاية؟

من يوم 6 مارس اللى فات ولحد دلوقتى حصل انهيار كبير  فى سوق العربيات سواء الجديدة او المستعملة وفيه عربيات سعرها نزل النص تقريبا وكل الأسعار المبالغ فيها وأرقام الأوفر برايس اختفت تماما والتجار والموزعين حاليا بيعملوا عروض عشان يصرفوا المخزون الكبير اللى عندهم من السيارات خصوصا ان التوقعات كلها بتقول ان الايام الجاية فيه اخفاضات كبيرة تانية هتحصل فى اسعار العربيات وهبوط مشهيقل عن 20% مع الهبوط المتوقع فى سعر الدولار بعد وصول باقى صفقة رأس الحكمة وبعض التدفقات الدولارية التانية.

وزي ما كلنا عارفين من بعد الاجتماع الاستثنائي للبنك المركزي اللى قرر فيه تحرير سعر صرف الجنيه مقابل العملات الجنبية وفقا لآليات السوق تم القضاء نهائيا على السوق السودا للدولار ومبقاش فيه اكتر من سعر  للعملة الأمريكية فى سوق الصرف وده خلا فيه استقرار وهدوء فى الأسواق وانعكس ده على سوق السيارات اللى كان بيحصل فيه جنون وقت وصول الدولار الى 70 جنيه

لكن مع تراجع سعر الدولار وتوافره فى البنوك كان فيه تاثير ايجابي كبير لده على سوق السيارات فى مصر وتحديدا السيارات الجديدة اللى انخفضت اسعار بعض موديلاتها الى أكتر من نص مليون جنيه مرة واحدة.

وانخفضت أسعار السيارات مؤخراً بشكل ملحوظ بدءا من مارس وحتي نهاية أبريل 2024 والتخفيضات طالت حوالي 23 ماركة بمختلف فئاتهم وبدأت من 150 الف جنيه ووصلت الى  650 ألف جنيه

ومن أبرز الماركات اللى أسعار انخفضت بشكل ملحوظ سيات ونيسان  وألفا روميو وأوبل وشيفرولية، وام جي وبيجو و   فورد وبايك وجيتور،و فيات، وستروين، وسوزوكي وتويوتا وموديلات تانية كتيرة يعنى تقدر تقول كده ان كل الأنواع وكل الموديلات حصل فيها تراجع كبير جدا

طب ده عن العربيات الجديدة يا ترى ايه أخبار المستعمل ؟

بص اى انخفاض فى سعر العربيات الجديدة بيسمع اتوماتيك فى المستعمل واللى بينزلوا سوق العربيات المستعملة عارفين ان الاسعار انهارتا بشكل واضح وفيه عربيات سعرها نزل بالـ 200 الف مرة واحدة ده غير ان فيه ركود كبير فى سوق المستعمل وناس كتير عارضة عربيات للبيع لكن مفيش تنفيذ والكل مستنى الأسعار تنزلتانى فى الفترة الجاية مع التوقعات القوية بسقوط الجنيه وانخفاضه تحت ال 40 جنيه على اخر يونيو بأقصى تقدير.