مفاجأة في سوق السيارات قبل 23 مايو.. ياترى هيحصل إيه
ياترى سوق السيارات رايحة على فين وإيه مصير الأسعار الفنرة الجاية وإيه علاقة اللي هيحصل في 23 مايو الحالي بسوق السيارات وامتي تشتري عربية وامتي تصرف نظر.. خليكم معانا كل الأسئلة دي هنجاوب عليها في هذا التقرير.
سوق السيارات في مص وزي ما احنا عارفين من أكتر الأسواق والقطاعات اللي اتضررت من ازمة نقص الدولار وظهور السوق السودا ودي لأنه تقريبا السوق نفسه وقف ولا كان فيه بيع ولاشرا لفترة كبيرة جدا واللي السيارات اللي المعروضة للبيع سواء زيرو أو مستعمل كانت فوق طاقة أي حد في مصر بأسعارها الفلكية وده خلى فيه طلب متراكم على السيارات ولما حصل والبنك المركزي قرر تحرير سعر الصرف وانتهت السوق السودا للدولار أخيرا بدأت الدنيا تتحرك شوية بشوية في سوق السيارات.
وزي ما قلنا طول السنة الكبيسة في 2023 مكانش فيه معروض ولا استيراد من السيارات بسبب سياسة ترشيد صرف الدولار وفي نفس الوقت بسبب ارتفاع الأسعار وعشان كده لسه اسعار السيارات عالية شوية رغم إنها نزلت بشكل كبير والسوق اتخلص من ظاهرة الأوفر برايس بعد توحيد سعر الدولار، لكن فيه توقعات بتأكد إن أسعار السياارات هتنزل بشكل كبي بداية من الشهر الجاي لأسباب كتير منها إن السوق هيكون وفر كميات كبيرة من السيارات وبالتالي الطلب على السيارات هيقل.
وتاني حاجة إن نزول موديلات زيرو جديدة ومنها موديلات 2025 هينعكس بشكل كبير على سوق المستعمل واللي الأسعار هتنزل فيه بشكل كبير جدا وهياخد معاه جزء من الطلب على السيارات وكل مازاد المعروض كل الاسعار مانزلت طبعا حسب العرض والطلب.
طيب ايه اللي هيحصل في 23 مايو وعلاقته إيه بالسيارات.. شوف ياسيدي ده معاد اجتماع لجنة السياسة النقدية بالبنك المركزي واللي فيه هيتم تحديد سعر الفايدة على الاقتراض والايداع.. أيوا ايه بردو علاقة دي بتجارة السيارات.. أقولك لحضرتك لو البنك المركزي رفع الفايدة ده مش كويس لسوق السيارات لأن أغلب مستوردي السيارات شركات وبتقترض من البنك وبكده تكلفة التمويل هتزيد وهيحملها للزبون وكمان فيه خدمات تمويل وقروض السيارات في البنوك واللي كل ما الفايدة هترفع الناس مش هتشتري عربيات بضمان بنوك وده هيأثر على حركة السوق.. لكن الأهم بقي والخبر الحلو إن البنك المركزي هيقرر تثبيت أو تخفيض سعر الفايدة ودا حسب اغلب التوقعات يعني مش هيرفع سعر الفايدة دلوقتي تاني ود كويس ولو حصل وخفض الفايدة وده وارد جدا يبقي هتحصل انتعاشة في سوق السيارات وبرامج تمويل شرائها من البنوك.
