إيه اللي بيحصل في العين السخنة.. وليه هيقلب التجارة الدولية

ياترى إيه اللي بيحصل في منطقة العين السخنة دلوقتي وإيه حكاية المشروع العالمي اللي هيقلب الموازين في التجارة الدولية.. تعالو نشوف مصر رايحة على فين

زي ما احنا عارفين مصر عملت معجزة حقيقية في قصة المواني واللوجستيات وخطوط التجارة الدولية وبقي عندها مواني من أحدث وأكبر المواني العالمية في بورسعيد والاسكندرية والعين السخنة واللي بقت مفخرة التجارة المصرية وقادرة تستوعب أكبر حركة تجارة وسفن مهما ماكانت ولان مصر بتخطط إنها تستفاد بكل الامكانيات الجعرافية لموقع مصر المتفرد على خريطة التجارة الدولية منحت حقوق تشغبل بعض وحدات المواني المصرية لشركات عالمية متخصصة في إدارة المواني العالمية.
ايه مناسبة كلامنا عن المواني المصرية.. شوف ياسيدي زي ما احنا عارفين إن شركة مواني دبي العالمية واخدة حقوق ادارة واستخدام في مينا العين السخنة ومن ساعة الاتفاقية ورغم إن الميناء حديث لكن الشركة قررت تضخ ملايين الدولارات لتعظيم الاستفادة من المينا عالميا وتحويله لمركز للتجارة الدولية بسبب موقعه اللي مفيش زيه في العالم.
الجديد بقي إن أورس مول المدير الإقليمي لموانئ دبي العالمية - مصر "دي بي ورلد"، طلع وقال إن المجموعة حاليا بتستثمر 80 مليون دولار في تطوير مشروع المستودعات اللوجيستية في العين السخنة وإنه من المقرر الانتهاء من المرحلة الأولى في أوائل عام 2025.

وكشف مسئول مواني دبي إن حجم استثمارات المجموعة الفعلية في تحديث وتوسيع المحطة متعددة الأغراض اللي هتقوم بتشغيلها في مينا العين السخنة واللي بتمثل البوابة الرئيسية للتجارة على البحر الأحمر هتوصل 1.3 مليار دولار.. وأكيد الرقم بيدلل على حجم المشروع الجديد اللي بيتعمل واللي هيخلي مينا السخنة هو الملك في مواني المنطقة واللي بتضم أهم ممرات ملاحية في العالم كله.

طيب ايه هو مشروع المستودعات اللوجستية لموانئ دبي العالمية في السخنة.. شوف ياسيدي دا مشروع جديد بيتعمل في منطقة السخنة المتكاملة التابعة للمنطقة الاقتصادية لقناة السويس ومساحته الإجمالية 300 ألف متر مربع، وهيوفر 600 فرصة عمل مباشرة والهدف منه بقي وهو دا الاهم تقديم خدمات للمستثمرين والعملاء في قطاع الأنشطة اللوجستية والتجارية والتوزيع داخل السوق المصرية، والأسواق المجاورة.

وعشان تعرف أهمية الاستثمار في المواني مجموعة مواني دبي العالمية أطلقت مجموعة موانئ دبي العالمية في مارس الل فات 5 مكاتب لوجستية جديدة في مصر لشحن البضايع بالقاهرة والإسكندرية ومطار القاهرة والسخنة وبني سويف وده لتسهيل العملية اللوجستية لعملائهم في جميع أنحاء مصر، وبما يضمن تشغيل سلسلة التوريد بسلاسة وكفاءة.

وتضم هذه المكاتب التي أعلنت عنها المجموعة مؤخرا، خدمات تشمل إدارة الطلب والمنشأت، وإدارة الشحن البحري والجوي، والنقل بالشاحنات، واللوجستيات، وتوصيل الشحنات من الميناء إلى الوجهة النهائية.

كيب ليه محموعة دبي مهتمة بالمواني المصرية..  عشان حضرتك زي ما قلنا موقع مصر الفريد جغرافيا ولأن مصر سوق واعد للخدمات اللوجستية والتحول لمركز للتصنيع والتجارة في منطقة الشرق الأوسط وإن مصر متوقع تحقق انطلاقة اقتصادية كبيرة هتخليها مركز التجارة في المنطقة كلها بفضل المواني بتاعتها ودي مش كلامنا ده كلام المسئول في محموعة دبي العالمية.