موديلات 2025 هتنزل وحدث مهم في يونيو.. لو عاوز تشتري عربية زيرو أو مستعمل.. شوف الفيديو ده
ياترى سوق السيارات رايح على فين وايه الوقت المناسب عشان تشتري عربية وايه ياترى اللي هيحصل في يونيو الجاي وشوف نصيحة شعبة السيارات قبل ما تشتري مع انخفاض الدولار.. شوف الفيديو ده للآخر وهتعرف التفاصيل
ناس كتير متابعة اللي بيحصل في سوق السيارات سواء مستعمل او زيرو وناس كتير بردو بتسأل عن الوقت المناسب لشراء سيارة تغنيهم عن زحمة المواصلات ولو انت من الناس دي نحب نقولك إن انخفاض سعر الدولار في البوك اليومين اللي فاتوا واستمرارا انخفاضه المتوقع في الفترة الجاية هيكون ليه تأثير كبير على أسعار السيارات الفترة الجاية والكل بينصح اي حد عاوز يشتري سيارة أنه يستني شوية لغاية يونيو اللي جاي.
ولو عاوز تعرف إيه اللي هيحصل في التوقيت ده فالموضوع ببساطة أن موديلات السيارات 2025 هتنزل السوق بقوة وده معناه انخفاض جديد في أسعار السيارات في التوقيت ده والتخفيضات هتكون كبيرة في سيارات موديلات السنين اللي قبلها وهتكون أكبر في المستعمل بسبب زيادة المعروض من السيارات في السوق خلال الشهرين اللي جايين.
وحسب شعبة السيارات موديلات 2025 هتكون متاحة بداية من يوليو 2024، ومتوقع استقرار اسعار السيارات قبل الوصول للمعاد ده وزي ما احنا عارفين اسعار السيارات نزلت بعد تعويم الجنيه واختفاء السوق السوداء للدولار وانخفاض سعره في البنوك من 73 جنيه الي 47.80 جنيه دلوقتي بعد نهاية المضاربة على الدولار وزي ما احنا عارفين إن دولار السيارات كان بيعدي ال65 جنيه وعشان كده الأسعار انخفضت في سوق السيارات ما بين 5و 15 في المية الفترة اللي عدت واختفاء ظاهرة الأوفر برايس كمان ومع زيادة المعروض شوية بشوية الأسعار هترحع تنزل تاني بشكل كبير في الفترة الجاية.
وعشان كده بنقولك اصبر شوية وهتشتري عربيتك بسعر رخيص بعد يونيو اللي جاي وده كلام التجار نفسهم وكلام شعبة السيارات وكمان انخفاض أسعار السيارات هيكون بالتزامن مع تخفيضات في أسعار قطع الغيار مع فتح الاستيراد من تاني وتوافر الدولار واللي بيعتمد عليه المستوردين في الاستيراد وبكده سوق السيارات هيسترد عافيته من جديد وفيه توقعات قوية كمان باستمرار الانخفاض مع بداية توطين صناعة السيارات في مصر وفيه اكتر من مصنع بدأ في تجميع السيارات وفي شركات سيارات عالمية قررت تصنع في مصر ومنها على سبيل المثال شركة لادا مصر واللي قررت تبني مصنع ضخم لتجميع السيارات بمدينة طربول على مساحة 200 ألف متر مربع
