الإمارات تكشف عن مشروع جديد بعد رأس الحكمة.. ومتشتريش حاجة قبل 25 مايو.. وإيه اللي حصل في حقل ظهر
متابعينا الكرام أهلا وسهلا بكم وتحليل جديد لأهم التقارير والتحليلات اللي قدمتها وحدة ابجاث بانكير على مدار اليوم النهاردة التلات
البداية هتكون مع جضراتكم من ترند مصر كلها النهاردة وهو حملة المقاطعة الشعبية لتجار السمك واللحوم في بورسعيد لمواجهة جشع التجار وارتفاع الاسعار المبالغ فيه.. والحقيقة الحملة نججت بشكل كبير وبدأت تنتقل لاماكن ومحافظات تانية زي القاهرة والجيزة ودا غير إنها انتشرت بشكل كبير جدا في السوشيال ميديا
وقال التقرير إن الناس في بورسعيد قرررت تقاطع تجار الاسماك واللحوم الجشعين واللي رفعوا الأسعار بشكل مبالغ فيه جدا وبدون مبرر قوي ورغم حالة الانخفاض في سوق الأعلاف ونزول سعر الدولار رغم إن تجار السمك تحديدا ملهمش علاقة قوية بأزمة الدولار أصلا..
والحملة رفعت شعار "قاطع خليك إيجابي وخليها تعفن" ونجحت بشكل كبير جدا وانتشرت دعوات المقاطعة زي النار في الهشيم من خلال مواقع التواصل الاجتماعي وغصب عنهم التجار نزلو الاسعار في كل أنواع السمك ووصل بعضها لأقل من 40 جنيه بعدما وصل 100 جنيه، ووصل سعر البوري 60 جنيها بدل من 120 جنيه بانخفاض النص دفعة واحدة ومن أول يوم للمقاطعة ووصلت نسبة التخفيض بعدها الى 75 في المية .
ليه الناس قررت تقاطع تجار السمك تحديدا.. الاجابة ببساطة إن التجار تجاوز الحدود في رفع الاسعار لتحقيق مكاسب طالما الناس كده كده بتشتري وتجاوز سعر كيلو السمك 250 جنيهًا وسعر كيلو الجمبري وصل إلى 1000 جنيه، وسعر كيلو الفسيخ وصل 500 جنيه. و
وأضاف التقرر على لسان رئيس شعبة الأسماك في بورسعيد، إن أسعار الأسماك انخفضت حوالي 75 في المية خلال 48 ساعة في بورسعيد؛ بسبب حملة المقاطعة.
التقرير التالي معانا في تحليل النهاردة حولين إيه اللي حصل في حقل ظهر
وسلط التقرير في البداية الضوء على كمية الاشاعات اللي بتنتشر في مصر بشكل يومي على مواقع التواصل الاجتماعي وفبركة الأخبار زي اللي حصل اليومين اللي فاتوا في حقل ظهر للغاز الطبيعي ومرة يقولك البير داخله ميه وكأنهم خبراء غاز وبترول ومرة يقولك الغاز خلص فيه ومرة تالتة قالوا إن الشركات الاجنبية في الحقل هربت عشان ليها فلوس ومش راضيين يشغلوا الحقل وغيرها من الاشاعات والاكاذيب
وقال التقرير إن حقل ظهر تم اكتشافه في ديسمبر 2017 وينتج من 6 سنين، والإنتاج وصل إلى 5 تريليونات قدم مكعب و9 ملايين برميل متكثف، وفي عالم حقول الغاز وده مش سر بنكشفه لكن ده الطبيعي إن فيه هناك ظاهرة في كل الحقول وهي معروفة وعالمية وهي التناقص الطبيعي للآبار المكتشفة والمتوسط في الغاز بنسبة 15% سنويًا .
واستعار التقرير كلام المتحدث باسم وزارة البترول والثروة المعدنية في مصر، حمدي عبدالعزيز وقال ان حقل غاز ظهر بينتج حوالي 2 مليار متر مكعب من الغاز في اليوم وإن الحكومة شغالة على حفر آبار غاز تحقق قفزة تنموية جديدة للاقتصاد المصري، وإن الرقم الاحتياطي اللي تم إعلانه مش ثابت لكن لازم يكون هناك آبار تنموية في المنطقة المنتجة.
وبخصوص هروب الشركات فمسئول البترول نفي ده تماما وقال إن شركة إكسون موبيل الأميركية على سبيل المثال شغالة تنقيب في منطقة بالبحر المتوسط، وتم اكتشاف حقول نرجس وخوفو، بالإضافة إلى المرحلة الـ11 في منطقة امتياز غرب الدلتا، وإن شركات البترول الأجنبية موجودة ومكملة في مصر وفيه عقود مصر بتحترمها والشركات دي ليها سنين طويلة في مصر وعارفه إن مصر سوق واعد وعمرها ما صادرت حقوق مادية للشركات دي.
التقربر التالي اللي عرضته منصات بانكير كان بخصوص اللي هيحصل بعد 25 مايو
زي ما شفنت فى الساعات الأخيرة علاء عز رئيس اتحاد الغرف التجارية طلع فى تصريحات تلفزيونية وقال محدش يشتري أجهزة كهربائية دلوقتي ولا يخزن أي سلع لأن الفترة الجاية هتشهد انخفاضات كبيرة وان ده هيحصل خلال شهر من دلوقتي بحد أقصى .. عز وضح كلامه وقال ان عمليات الافراج عن البضايع فى الموانئء المصرية بتزيد بشكل ملحوظ وخلال ايام قليلة هيكون تم الافراج عن كافة السلع المحجوزة فى الموانئ بسبب ازمة نقص العملة الأجنبية وأكد ان المصانع هتستلم المواد الخام وهتبدأ تعيد تسعير المنتجات وفقا للأسعار الجديدة.
وقال التقربر إنه فى الأيام اللى فاتت حصل انخفاض في أسعار السلع الأساسية بنسبة تجاوزت 27% وتم عمل خفض إضافي 14% خاص بأسعار الزيت، والسلاسل التجارية الكبيرة بدأت في خفض السعر وده أدى إلى خفض الأسعار في محال البقالة والتجزئة
وبخصوص انحفاض الاسعار تحديدا في مايو كشف تقرير بانكير إن مصر خلال ايام هتستلم الدفعة الأخيرة من صفقة راس الحكمة والبالغة 20 مليار دولار كمان وصلت شريحة جديدة من قرض صندوق النقد بقيمة حوالى 850 مليون دولار وهيوصل قريب جزء كبير حوالى 1 ونص مليار دولار من برنامج التمويل والدعم اللى هيقدمه الاتحاد الاوربي لمصر وطبعا زيادة الحصيلة الدولارية هتؤدي الى زيادة المعروض من الدولار ووفقا لقوانين العرض والطلب واليات السوق اللى بيتم تطبيقها فى سعر الصرف متوقع هبوط كبير جدا فى سعر الدولار .. ومع انخفاض الدولار هتنخفض بالتبعية معظم أسعار السلع زي مواد البناء الحديد والاسمنت والتشطيبات وكمان اسعار العربيات هتنزل واسعار اليلع الغذائية ونسبة الانخفاض مش هتكون قليلة وده لأن الانخفاض فى سعر الدولار هيوصل لحوالى 25 % مرة واحدة
التقرير الاخير اللي قدمته وحدة ابحاث بانكير واللي بيتكلم عن مشروع ضخم جديد بين مصر والإمارات بعد صفقة رأس الحكمة
وجسب التقرير فيه مباحثات بين الحكومة المصرية والإمارات دلوقتي لتوقيع اتفاق مبدئي بين الحكومة وإمارة الفجيرة وشركة بروج للاستثمارات والغاز لإقامة منطقة حرة متخصصة في إنتاج وتخزين وتداول النفط ومشتقاته... زي ما سمعت كده منطقة حرة للبترول.
وقالت الإمارات إن الاتفاق هيساهم في تعزيز العلاقات في مجال النفط والغاز وتنفيذ مشروعات البنية التحتية والخدمية في قطاع البترول في مصر، بما فيها إنتاج وتخزين وتداول واستيراد وتصدير وإعادة تصدير وتكرير البترول ومشتقاته.
وحسب مدير الديوان الأميري إمارة الفجيرة بتعتبر مركز استراتيجي عالمي في مجال تخزين وتداول النفط ومشتقاته، وتحتل مكانة مُتميزة بين أكبر 3 مراكز تخزين في العالم، وإن فيه رغبة جادة من الشركة لنقل خبرتها في هذا المجال إلى مصر، يعني باختصار كده مصر هتتحول لمركز لتخزين نفط الخليج وهتاخد جزء من أعمال إمارة الفجيرة وزي ماقالت الشركة الإماراتية إنها ماضية في طريق إنشاء وتطوير مشروع عملاق لدعم القطاع النفطي في مصر، في ظل إمكانات قطاع النفط اللي نجح في جعل مصر الوِجهة الأكتر استقطابا للاستثمارات خاصة من الإمارات.
