ليه أسعار السجاير زادت مرتين في 60 يوم؟.. مفاجأة صادمة الأيام الجاية
يا ترى ليه اسعار السجاير رفعت مرتين ورا بعض فى اقل من 60 يوم ؟ وهل كده فيه زيادات جديدة قبل نهاية 2024 ولا ايه الدنيا؟ وايه علاقة ارتفاع السجاير بارتفاع سعر الدولار فى البنوك من بعد 6 مارس اللى فات؟
فى الفترة الخيرة بتشهد اسعار السجاير فى مصر ارتفاعات كبيرة وبعد ما خلصت ازمة نقص المعروض من السجاير دخلنا فى أزمة جديدة وهي ازمة ارتفاع الأسعار لدرجة ان سعر السجاير زاد مرتين فى اخر شهرين
وفى الساعات الأخيرة رفعت شركة فيليب موريس أسعار سجاير ميريت ومارلبورو وإل إم في كافة المحلات التجارية في مصر، بعد أيام من إعلان الشركة الشرقية للدخان رفع أسعارها التزاماً بقانون التأمينات نتيجة لفرض ضرائب جديدة بنسبة تزيد على 3% .
وأرسلت شركة فيليب موريس منشور لكل التجار بتطبيق الزيادة الجديدة في أسعار السجاير الأجنبية، ابتداءً من اليوم التلات 23 أبريل فى كافة الأسواق المصرية.
ووفقا لبيان الشركة تم رفع أسعار سجاير ميريت بكل أنواعها إلى 90 جنيه ورفع أسعار سجاير مارلبورو بكل أنواعها إلى 84 جنيه مع رفع سجاير إل إم بكل أنواعها هي كمان إلى 64 جنيه
وفقا لبيانات سابقة أعلنتها الشركة الشرقية للدخان وصل سعر سجاير بوكس بـ 24.45 جنيه على أن يتم بيعها للمستهلك بنحو 24.5 جنيه.
وسجل سعر كليوباترا كينج سايز 20 عبوة نحو 34.4 جنيه بسعر الجملة، ويتم بيعها للمستهلك بسعر 34.5 جنيه.
وبلغ سعر كليوباترا سوفت كوين 20 عبوة نحو 34.4 جنيه بسعر الجملة، وتباع للمستهلك داخل المحلات بسعر 34 جنيهاً.
وجاء سعر مونديال أحمر وأزرق وسيلفر 20 عبوة نحو 34.4 جنيه بسعر الجملة، وتباع للمستهلك داخل المحلات بسعر 34.5 جنيه.
فيما بلغ سعر كليوباترا بلاك 20 عبوة نحو 34.47 جنيه بسعر الجملة، وتباع للمستهلك داخل المحلات بسعر 34.5 جنيه.
وفى اول تعليق على الارتفاع المستمر فى اسعار السجاير علقت شعبة الدخان على الموضوع وكشفت أسباب ارتفاع أسعار السجاير مرتين خلال شهرين بس وقالت ان فيه أكتر من عامل أدى لارتفاع أسعار السجاير أهمهم أحداث البحر الأحمر اللى أدت لارتفاع أسعار الشحن، فاضطرت الشركات لرفع الأسعار في شهر مارس كمان بعد التعويم، اضطرت الشركات لرفع الأسعار لمواكبة ارتفاع سعر الدولار من 30 لـ50 جنيه
ودعت شعبة الدخان الشركات لتوفير منتجات التبغ والسجائر لمنع السوق السوداء للسجاير من العودة من جديد وحدوث تلاعب فى الاسعار زي ما حصل فى فترة من الفترات
طب هل اسعار السجاير هتزيد تانى الفترة الجاية؟
وفقا لمتعاملين فى السوق من المتوقع زيادة اسعار السجاير من جديد حال استمرار الوضع الحالى خصوصا ما يتعلق بحركة الشحن فى البحر الأحمر وهجمات الحوثيين ضد السفن الأجنبية لكن الأسعار ممكن تستقر او كمان تنخفض لو حصل انخفاض فى سعر صرف الدولار امام الجنية خصوصا ان التكلفة وقتها هتقل وتقدر الشركات تنزل الاسعار شوية وغير كده متوقع الاسعار تقفز قفزات جديدة فى الشهور الجاية
