مش هتصدق قيمتها ومين الدول اللي داخلة فيها.. مصر تستعد للاعلان عن صفقة كبرى جديدة

يا ترى ايه الصفقة الكبرى الجديدة اللى الحكومة بتستعد للاعلان عنها خلال الأيام الجاية ؟ وقيمة الصفقة دي هتكون كام بالظبط ؟ وليه الحكومة متأخرة فى الاعلان عنها رغم ان كل الناس عارفة ان فيه صفقة بيتم التحضير ليها؟

من بعد الاعلان عن الصفقة الكبرى بين مصر والاماراتلتطوير منطقة رأس الحكمة بقيمة 35 مليار دولار بالاضافة الى 150 مليار دولار هيتم ضخهم خلال مراحل تنفيذ المشروع وفيه اهتمام كبير جدا من صناديق استثمار عربية وأجنبية كبيرة لتنفيذ صفقات مماثلة .. وفى الايام الأخيرة طلعت تسريبات عن صفقة جديدة بتحضر لها الحكومة خاصة بمنطقة رأس جميلة اللى بتتنافس على الفوز بيها عدد من الدول

وفي الوقت اللي بتستعد فيه الحكومة لوضع ضوابط استقبال العروض على مشروعاتها الاستثمارية عاد مشروع "رأس جميلة" للظهور من جديد على الساحة فى ظل ترقب عدد كبير من المصريين للاعلان عن تفاصيل المشروع ده وقيمة الصفقة ومين الدول اللي هتدخل فيه.. وده بعد تردد أنباء قوية عن تلقي الحكومة عرض من شركة سعودية للاستثمار السياحي في منطقة رأس جميلة الواقعة على ساحل البحر الأحمر.

وفى تصريحات ليه مؤخرا كشف المتحدث باسم مجلس الوزراء أن الحكومة بتمتلك عروض لفرص استثمارية كبيرة بيتم دراستها حاليا من قبل لجان مشكلة من الفنيين والقانونيين.. وقال ان  الصفقات الجديدة هيتم الإعلان عنها بكل شفافية فور الوصول لاتفاق مع المستثمرين الراغبين فى دخول السوق المصرية فى ظل حرص الحكومة على جذب الاستثمارات الأجنبية.

ووفقا للأنباء المتداولة فيه عرض سعودي قطري مشترك للاستثمار في منطقة رأس جميلة وإقامة مدينة سياحية متكاملة على مساحة 860 ألف متر مربع مقابل 15 مليار دولار.

وعاد الاهتمام بمنطقة رأس جميلة القريبة من شرم الشيخ بعد حوالى 3 سنين من تأجيل طرحها للاستثمار بسبب عدة عوامل أهمها تداعيات كورونا وحرب أوكرانيا.وبتقع منطقة "رأس جميلة" قرب جزيرتي  تيران وصنافير ومطار شرم الشيخ وده بيخليها مناسبة للاستثمار السياحي والفندقي، وبتمتد المنطقة على مساحة تتراوح بين 820 و860 ألف متر

وتعتبر مجموعة عجلان وإخوانه القابضة السعودية واحدة من أبرز الشركات المهتمة بالاستثمار في رأس جميلة وقدمت المجموعة خطاب إلى الحكومة المصرية لتأكيد رغبتها في الاستثمار في المنطقة خلال الفترة المقبلة من خلال إنشاء مشاريع سياحية وفنادق عالمية تسهم في تعزيز المكان كواحد من أهم الوجهات السياحية.

الشركة اللي بتتكلم نيابة عن الطرف السعودي أصولها 10 مليار دولار  وشغال فيها 15 ألف موظف في أكتر من 25 دولة وعبر 75 شركة، وهي مش غريبة عن السوق المصري وعندها استثمارات قائمة فى السوق المصرية بحوالي 2 مليار دولار، ويبلغ إجمالى استثمارات المجموعة حاليا 15 مليار دولار.