في ساعة زمن هايكون في جيبك 3500 دولار.. تعالى نقولك ازاي
تخيل يا مؤمن تقدر تحقق أرباح كبيرة وأنت قاعد في بيتكم تحت تكييف بيتكم من غير ما تبذل لا مجهود ولا تعمل حاجة مرهقة.. ومش هاتربح ألف ولا اتنين .. لأ دولا تلاتة.. مش 3 آلاف جنيه.. لأ 3 دولار.
والموضوع دا سره في بنك qnb الأهلي.. واللي بيقدم دلوقتي حساب توفير بلس بالدولار الأمريكي واللي بتصل نسبة الفايدة عليه لـ 4.3% سنويًا.. والعائد هايتصرف شهريًا كمان.
يعني اية الكلام دا.. وهل في شرائح ولا نسبة الفايدة 4.3% للكل
دا سؤال مهم.. ولازم تعرفه لأن نسب الفايدة في الحساب دا بيتقسم برضوا لعدد من الشرائح
عندك مثلًا الشريحة من 5 آلاف دولار لـ 100 ألف دولار.. دي هاتاخد عليها عائد سنوي يبلغ 0.2% .. لكن لو خليت الحساب بمبلغ ما بين 200 ألف دولار لـ 500 ألف دولار هاتاخد عائد تبلغ نسبته 2.5% سنويًا.. ولو كان المبلغ يتراوح ما بين 500 ألف دولار لـ مليون دولار فـ هاتاخد عائد يبلغ 4% سنويًا. طب لو مليون واكتر فـ حضرتك هاتاخد نسبة عائد تتجاوز الـ 4.3% سنويًا.
طيب تاخد ازاي الـ 3 دولار ونص اللي قولتلك عليهم في أول الفيديو.. بص يا فندم لو سيادتك معاك مليون دولار واستخدمت حساب توفير بلس بالدولار فسيادتك هاتاخد فايدة قدرها 4.3% سنويًا وتقدر تصرف العائد شهريًا يعني هايدخلك 3 آلاف دولار ونص شهريًا.
وعلشان تكون عارف فالحساب دا غرقان مميزات.. واللي اهمها أن مدخراتك هاتزيد بالدولار وهاتاخد العائد بالدولار.. وكمان البنك بيبعتلك كشف حساب شهري وربع سنوي وفقًا لاحتياجاتك. وعلشان تعمل الحساب دا فلازم سنك مايقلش عن 21 سنة وبيتم احتساب العائد على أقل رصيد للحساب خلال الشهر.
والبنك دا في حساباتك كتيرة اوي ممكن تستخدما زي حسابات التوفير للقصر وحسابات التوفير بالدولار وحسابات جارية بالجنيه المصري وكل واحد فيهم له مميزات منفردة عن التاني.
