زيرو ومستعمل.. أكتر 3 عربيات انهارت وبتتباع بأسعار زمان
ناس كتير مستنية أسعار العربيات تنزل اكتر من كده عشان تعرف تشتري عربية بسعر مناسب سواء زيرو أو مستعملة بحالتها.. في بانكير هنقدملك اكتر 3 عربيات سعرها نزل الأرض وتقدر تشتريها خليك معانا للآخر
أول عربية اتصدرت في المبيعات الفترة اللي فاتت كانت نيسان صني اللي بتنتمي إلى عائلة السيدان، و حققت النسخة دي مبيعات بعدد 1093 سيارة، خلال شهر فبراير اللي فات ، بحسب ما كشفت عنه تقارير مجلس معلومات سوق السيارات "الأميك".
وموجود 4 فئات من نيسان صني بتجهيزات مختلفة .. وبالنسبة للأسعار في كل الفئات فسجلت الفئة الأولى 2024 سعر 695,400 جنيه أما الفئة التانية 2024 فهي بتتباع بسعر 726,500 جنيه وبخصوص الفئة التالتة فسعرها 747,000 جنيه واخر فئة من نيسان صني وهي الفئة الرابعة فمطروحة للبيع بسعر 2024 بسعر 761,000 جنيه وطبعا كل الفئات دي زيرو .
تاني عربية معانا في السوق فهي بي واي دي F3 الصينية واللي أسعارها رجعت من جديد، بعد ما شهدت زيادة غير مسبوقة تجاوزت حاجر الـ 800 ألف جنيه، لتبدأ أسعارها الرسمية حاليًا من 590 ألف جنيه للفئة الأولى مانيوال، وبتعتبر النسخة دي واحدة من أشهر وأرخص السيارات داخل السوق المصري حاليا وذلك عن فئة السيدان واللي بتحمل شعار الصانع الصيني
وبخصوص أسعار بي واي دي F3 فيوصل سعر الفئة الأولى منها وهي مانيوال 2024 لحوالي 590,000 جنيه وبيوصل سعر الفئة التانية منها وهي وتوماتيك 2024 حوالي 680,000 جنيه.
اما الموديل التالت اللي معانا فهي سيارة شعبية وقوية وليها اسمها في السوق المصري ومنتشرة بشكل كبير وهي عربية
تويوتا كورولا 2015 بأفضل سعر للمستعمل واللي رخصت بحوالي 400 ألف جنيه مرة واحدة وقربت ترجع كورولا إلى أسعارها السابقة بشكل تدريجي، وخاصة في سوق المستعمل، واللي شهد انخفاض ملحوظ في أسعار النسخة دي بالاضافة إلى اصدارات تانية متنوعة تحمل علامات تجارية مختلفة
سعر السيارة تويوتا كورولا 2015 اللي بنتكلم عنها هنا سعرها 620 ألف جنيه، بعد ما وصلت إلى مليون جنيه خلال الشهرين اللي فاتو ونزل سعرها اكتر من 400 ألف جنيه... وبالنسبة المستعمل فلازم تاخد بالك وانت رايح تشتري وتاخد معاك ميكانيكي شاطر للفحص أو أي حد يكون خبير في السيارات عشان مايتضحكش عليك وكمان فيه نصيحة مهمة من شعبة السيارات واللي نصحت الناس او اللي عاوز يشتري عربية زيرو أنه يستني شوية شهرين تلاتة عشان السوق هيكون اتشبع ويزسد المعروض منها وسعرها ينزل اكتر من كده.
