بتوصل لـ3 مليون جنيه.. تفاصيل قروض بنك مصر لكل طوائف المجتمع
مين فينا مقوعش في زنقة، ومين فينا جت قدامه كام فرصة مناسبة لشراء بيت أو عربية أو ارض او اي حاجة والفلوس كانت السبب انها تروح من ايده، لكن دلوقتي بنك مصر طرح حلول كتيرة للمواطنين من خلال القروض واللي ممكن توصل لـ3 ميلون جينه.. يا تري اية تفاصيل القروض دي وازاي نقدر ناخذها
بنك مصر واحد من البنوك الوطنية واللي اعلنت عن تقديم قروض باشتراطات وبنود محدده لكل فئات المجتمع علشان يحصلوا علي قروض يحلوا منها كل مشاكل ويسددوا علي مهلم، خصوصا ان كلنا بنقع في ازمات وظروف ومش كل الوقت هنلاقي اللي يسلفنا او يدينا الفلوس اللي هنحتاجها .
مع بداية 2024، بنك مصر اعلن عن اتاحه قرض شخصي بيوصل لـ3 مليون جنيه بموجب خطاب تحويل من الجهة لموظفين في القطاعين العام والخاص، وموظفي البنوك وشركات الاتصالات وأصحاب المهن الحرة، بأطول فترة سداد بتوصل لـ 12 سنة وأقل مصاريف إدارية، ووثيقة تأمين مجانية على الحياة والعجز الكلي.
اما عن المستندات المطلوبة للحصول علي القرض، فالبنك حدد شوية شروط سهلة وبسيطة وهيا صورة بطاقة رقم قومي وتكون سارية وايصال مرافق حديثة، وشهادة حديثة لمفردات الراتب، وخطاب معتمد من جهة العمل.
البنك اعلن كمان عن تقديم قروض للعاملين في الدولة والقطاع الخاص بقيمة توصل لـ1.5 مليون جنيه، وبفترة سداد توصل لـ8 سنين واقل سعر فايد واقل مصاريف ادارية، وكمان حدد شروط حصول العملاء علي القروض وهيا صورة بطاقة رقم قومي وتكون سارية وإيصال مرافق حديث وبيان بالدخل الشهري.
البنك كمان اعلن عن تقديم قرض لموظفي البنوك وشركات الاتصالات بقروض توصل لـ1.5 مليون جنيه وبفترة سداد بتوصل لـ10 سنين، واقل سعر فايدة، واقل مصاريف ادارية.
اما عن المستندات المطلوبة لحصول العملاء علي القرض، فالبنك اشترط تقديم صورة بطاقة رقم قومي وتكون سارية، وايصال مرافق حديث وبيان بالدخل الشهري.
اخواتنا من اصحاب المهن الحرة، البنك قدم لهم كمان قروض بتوصل لـ3 مليون جنيه وبفترة سداد بتوصل لـ سنين، واقل سعر فايدة واقل مصاريف اداريةن وحدد مستندات الحصول علي القرض وهيا صورة بطاقة رقم قومي وتكون سارية، وايصال مرافق حديث وصورة من تصريح مزاولة المهنة زصورة من البطاقة الضريبية، وكشف حساب بنكي عن أخر 6 أشهر باسم العميل أو اسم شركته .
