لغز الـ200 جنيه اللي في السوق.. ليه السوشيال ميديا مقلوبة
ايه حكاية الفلوس المزورة وتحديدا ورقة الـ200 جنيه وهل صحيح فيه مبالغ كبيرة في السوق مزيفة وليه فيه حملات على السوشيال ميديا بتحذر منها.. تعالو نشوف ايه الحكاية
في الأيام الاخيرة ظهرت تحذيرات على فيسبوك وزادت في الكام ساعة اللي عدت عن انتشار عملات مزيفة في السوق المصري قبل عيد الفطر وإن فيه مبالغ كبيرة خاصة من الورقة المالية فئة200 جنيه انتشرت في الأسواق وكمان التحذيرات اللي جت على فيسبوك في صورو بوستات ناس بتنقلها من بعضها ومحدش عارف مصدرها الحقيقي بتقول إن فيه أوراق كتيرة من ال200 جنيه نزلت السوق بنفس رقم المسلسل وده دليل إنها مزورة .
في الأول خلينا نقول إن أي حاجة خاصة بالعملات والتزوير لو انتشرت بشكل واسع البنك المركزي والبنوك اللي في البلد هي اللي بتحذر وبتنشر تفاصيل تاني حاجة الكلام عن انتشار ورق 200 جنيه مزور قبل العيد وقصة رقم المسلسل الموحد على العملة المزيفة دا كلام مش منطقي والا كان طلع المركزي وحذر منها وغالبا البوست ده واللي ناس كتير شيرته الهدف منه ترويج وانعاش صفحات الفيسبوك وإشاعة من بين الاف الاشاعات اللي موجوده حولينا .
خلينا نقول بردو مش معنا كلامنا إننا مانخدش بالنا من الفلوس اللي في ايدينا خاصة لما تكون مبالغ كبير ومن فئة عملات كبيرة فلازم هنا أتأكد من سلامة العملات دي وده شي سهل خالص لأن مش صعب تكتشف أو تكشف على العملة اللي في ايدك انها سليمة ولا مضروبة وكل اللي عليك غير إنك تتطلع ورقة مالية سليمة من محظفتك وتقارن بيها الفلوس التانية ولو مزورة هتكتشف الفرق فورا ولو مزنوق ممكن تدخل على الانترنت في مكانك وتكتب الفرق بين الفلوس المزيفة والسليمة وتمشي ورا الخطوات وهتعرف فورا.
الغرض مش كل كلام في السوشيال ميديا نمشي وراه لكن في نفس الوقت الحرص واجب جدا في التعامل مع النقد وخاصة لو كان بعيد عن البنوك واللي عندها ماكينات لكشف الورق المزيف.
