لو بتسأل عن منحة عيد الفطر.. شوف تصرفها إزاي وإمتي

رمضان خلاص في العد التنازلي والناس بدأت تحضر لعيد الفطر المبارك ومع الأعياد الكلام بيكتر عن المكافات والعيدية من الحكومة ومنها منحة العيد.. ياترى مين ليه الحق يصرف منحة العيد وامتي وكام.. خليكم معانا

معروف إنه كتير من الجهات والوزارات في الدولة بتصرف منحة عيد الفطر للعاملين عندها وبتكون زي مكافآت موسمية في المناسبات زي عيد الفطر، وده كنوع من التشجيع ومراعاة للظروف الاقتصادية والاجتماعية اللي بتزيد فيها المصاريف في المناسبات الدينية والاجتماعية.
لكن في نفس الوقت الموضوع بيقي محكومة بقواع واجراءات وضوابط عشان تقدر تصرف منحة عيد الفطر للعاملين والموظفين في الوزارات والجهات وده لأن المنحة بتعتبر بند مالي خاص وعشان ما يحصلش تعارض مع الضوابط والبنود اللي وضعها قانون الخدمة المدنية وقوانين الموازنة العامة للدولة، وغيرها من التشريعات وعدم تحميل الموازنة العامة للدولة أعباءً إضافية.

وغالبا بتخضع منحة عيد الفطر اللي بيتم صرفها لضوابط قانون الخدمة المدنية الصادر بالقانون رقم 81 لسنة 2016، بحيث استحقاق المنحة مقابل أداء الموظف عمل غير اعتيادي أو قيامه بعمل مميز أو عمله لساعات إضافية أو تحقيق إنجاز، مع عدم الربط بين المكافأة وبين حلول المناسبات والأعياد وفق القانون.
وعامة بتخضع منحة عيد الفطر إذا تم صرفها، للمادة 74 من قانون الخدمة المدنية، وبتكون استتثناء يعني ملهاش علاقة أو تأثير على المكافآت  والأعمال الإضافية والبدلات والمزايا النقدية والعينينة وغيرها بخلاف المزايا  التأمينية الل بيحصل عليها الموظف بعد تحويلها من نسب مئوية مربتطة بالأجر الأساسي إلى فئات مالية مقطوعة.
وزارة المالية عشان توضح مسألة المنح في الأعياد وزعت تعليمات بضوابط صرف المكافآت، واشترطت إنه يتم الخصم بتلك المكافآت على الموارد الذاتية للصناديق والحسابات الخاصة أو الوحدات ذات الطابع الخاص بالجهة الإدارية، مع عدم تلقي الصندوق أو الحساب الخاص أو الوحدة ذات الطابع الخاص التي يتم الخصم بتلك المكافآت عليها أي دعم أو إعانة مباشرة أو غير مباشرة من الخزانة العامة للدولة،  يعني إيه.. يعني الجهات هتصرف منحة عيد الفطر من مواردها الذاتية أو صناديقها الخاصة وزي ما احنا عارفين إن كل هيئة تقريبا عندها صندوق خاص بيكون حصيلة من الرسوم أو موارد ذاتية تانية وبعيد عن موازنة وزارة المالية.
وقيمة المنحة بتحددها طبعا الجهة اللي بتصرفها وبتكون عاملة بتوازي عدد معين من قيمة أيام العمل وبتكون مبلغ مناسب وبتتصرف طبعا قبل حلول العيد يعني خلال الايام الجاية دي.