خبر سار من الحكومة للمواطنين بخصوص دعم رغيف الخبر بعد قرارات لجنة تسعير المواد البترولية

طبعا في ناس كتيرة مترقبة القرارات اللي هتحصل بعد قررت لجنة تسعير المواد البترولية بوزارة البترول والثروة المعدنية بزيادة اسعار البنزين والسولار وانبوبة البوتاجاز.. واية اللجات اللي هتزيد اسعارها الفترة اللي جاية خصوصا ان كل حاجة في بلدنا مرتبطة بالنقل والمواصلات.. واحد من الحاجات دي هي رغيف الخبر واللي بيعتمد بشكل كامل علي السولار لتشغيل الافران.. يا تري سعره هيزيد ولا لا.. ولو هيزيد الزيادة هتكون كام.

طبعا في توابع كتيرة بتحصل في الاسواق المصرية بعد اي قرار للجنة تسعير المواد البترولية خصوصا لو في زيادة، وامبارح في الساعات الاولي من صباج امس الجنة لجنة تسعير المنتجات البترولية، قررت رفع أسعار البنزين والسولار بشكل مفاجئ ووصل معدل الزيادة الجديدة في اسعار البنزين الي جنيها واحد، واصبح سعر لتر بنزين 80 بعد الزيادة 11جنيه بدلا من 10 جنيهات، وسعر اللتر بنزين 92 بعد الزيادة 12.50 جنيه بدلا من 11.50 جنيه، وسعر لتر بنزين 95 بعد الزيادة 13.5 جنيه بدلا من 12.50 جنيه.
قرارات لجنة تسعير المواد البترولية مقتفوتش علي اسعار البنزين بس، لا ده كمان السولار، ووصل معدل الزيارة في لتر السولار لجنية و75 قرشا، وحاليا وصل سعر لتر السولار 10 جنيهات، ده غير زيادة زيادة سعر أنبوبة غاز البوتاجاز من أرض المستودع للمستهلك من 75 جنيها إلى 100 جنيه.
بعد قرارات لجنة تسعير المواد البترولية باعتماد الزيادة الأخيرة في اسعار السولار والبنزين وانبوبة البتوجاز، انتشرت اخبار كتيرة علي مواقع التواصل الإجتماعي ان الحكومة هترتفع اسعار رغيف الخبر في المخابر البلدية  المدعمة وده بسبب اعتماد المخابر بشكل كلي في التشغيل علي السولار اللازم لتشغيل الافران، ده غير الارتفاع العالمي في اسعار الحبوب خصوصا في الفترة الاخيرة بعد قيام الحرب الروسية الاوكرانية خصوصا ان مصر كانت بتعتمد بشكل خاص علي اوكرانيا كمصدر هام في استيراد القمح والحبوب، وبعد قيام الحرب اغلب دول العالم اللي بتصدر الحبوب رفعت اسعارها بشكل كبير، وده رفع فاتورة مصر الاستيرادية بشكل مبالغ فيه.
الحكومة طلعت علي طول ونفت الاخبار اللي تداولها روداء مواقع التواصل الإجتماعي وقالت، أن الدولة مستمرة في دعمها لرغيف الخبز، وان مفيش اي زيادة جديدة في اسعار رغيف الخبز بالمخابر البلدية، وان سعره هيفضل زي ما هو بـ 5 قروش وان الحكومة هتتحمل فرق السعر.
الحكومة أكدت كمان أن الرئيس السيسي وجه في الخطة الاقتصادية الجديدة للدولة 2024-2025، بالاهتمام بمحدودي الدخل وتأمين احتياطي استراتيجي من السلع لتلبية الاحتياجات الأساسية للمواطنين، ده بالاضافة لزيادة الإنفاق على الحماية الاجتماعية، لتخفيف الأعباء عن متوسطي ومحدودى الدخل، ده غير تخصيص ٥٩٦ مليار جنيه للدعم منهم أكثر من ١٣٤ مليارًا للسلع التموينية منهم ١٢٥ مليار جنيه دعم لرغيف الخبر بس، خصوصا بعد ما ارتفعت تكلفته الرغيف الواحد لـ ١٢٥ قرشًا علي الدولة في حين ان الدولة بتبيعه للمواطن بـ ٥ قروش، والخزانة العامة للدولة بتتحمل الفرق، ده غير تخصيص أكثر من ١٤٧ مليار جنيه لدعم المواد البترولية وده بسبب ارتفاع أسعار البترول عالميًا بسبب تغير سعر الصرف وده بيعتبر واحد من اهم التحديات اللي بتواجهها الدولة في الخطة الاقتصادية الجديدة للدولة.
مش كده بس، ده الحكومة كمان قالت ان الدولة خصصت أكثر من ٤٠ مليار جنيه لبرنامج الحماية الاجتماعية تكافل وكرامة، خصوصا أن الحكومة بتستهدف تسجيل أكبر فائض أولى بنسبة ٣,٥٪ في السنة المالية الجديدة 2024-2025، وده بالتوازي مع خفض العجز الكلى على المدى المتوسط لـ ٦٪ من الناتج المحلي الإجمالي.