وبدأت التخفيضات.. لو عاوز تشتري عربية شوف الفيديو ده للآخر

بتدور على سيارة ملاكي بسعر معقول بعد انتهاء أزمة السوق السوداء للدولار واستقرار العملة في البنوك..هتعمل ايه وتجيب منين وايه مصير اسعار السيارات اصلا زيرو ومستعمل بعد التعويم.

شوف حضرتك معروف إن السوق السوداء للدولار كانت سبب الأزمات كلها اللي شافتها مصر لأنه بسبب المضاربة في أسعار العملة وتحديدا الدولار الأسعار رفعت جدا وده لان مصر بتستورد جزء كبير من السلع بجانب الخامات للمصانع وبقت العيشة صعبة ومن بين السلع اللي رفعت السيارات واللي بتعتبر اكتر سوق في مصر عاني من أزمة الدولار وتقريبا الحال وقف في القطاع كله واللي فقد حوالي 80% من البيع والشراء ودع قطاع مهم جدا وشغال فيه ملايين الأشخاص.
لكن بعد انتهاء أزمة الدولار بعد تعويم الجنيه الأمور بدأت تختلف في كل الاسواق ومن بينها سوق السيارات طبعا وأغلب خبراء السوق شايفين إن الأزمة قربت تنتهي فعلا وبدأت الأسعار تنزل بشكل كبير خاصة الأوفر برايس اللي التجار زودوه على سعر السيارات ايام أزمة الدولار وشايفين كمان إن الأسعار هتنزل من 20% إلى 30% بشكل مبدئي مع انفراجة الدولار واستئناف عملية الاستيراد.
وزي ما قلنا فيه اسعار كتير نزلت في انواع معينة في السيارات وبدأت الشركات تعلن عن نزول الأسعار زي ما قلنا ومنها مثلا عربية فيكتوري الصينية في مصر، واللي نزل سعرها تبقيمة 35 ألف جنيه بأسعار السيارة V1 فان موديل 2024 التجارية بعد التعويم  وقال الوكيل المحلي إن قرار التخفيض الذي يصل إلى 8% من السعر الرسمي للسيارة، يتزامن مع تراجع أسعار النقد الأجنبي مقابل الجنيه المصري بالبنوك.

ولو عاوز تعرف ارخص 4 عربيات بخلاف فيكتوري هنقولك على المفيد.... زي. ما احنا عارفين إن معظم زبائن سوق السيارات المقبلين على الشراء في الأونة الأخيرة بيدوروا ، عن السيارات الجديدة اللي بتنتمي للفئة الاقتصادية يكون من ضمن تجهيزاتها فتحة سقف ولا يتجاوز سعرها مليون جنيه. زي مثلا  نيسان صني بـ 5 فئات من التجهيزات بينما زودت الفئة الأعلى تجهيزا بفئحة سقف وسعرها 761 ألف جنيهًا
وتقدم صني بمحرك 4 سلندر سعة 1500 سي سي، مرتبط بناقل حركة أوتوماتيكي من 4 سرعات ويدوي من 5 سرعات، بقوة 108 حصان
وبعدها  سيارة شيري أريزو 5 بـ 3 فئات من التجهيزات وهي مزودة بفتحة سقف بدءًا من الفئة الثانية بسعر رسمي يبدأ من 785 ألف جنيه للفئة الثانية، بينما قدمت فئة الثالثة مقابل 820 ألف جنيه.
ولو عاوز سيارة رخيصة يبقي شيري المجمعة محلياً  واللي ضمن فئة السيارات الرياضية متعددة الاستخدامات وهي مزودة بفتحة سقف وسعرها رسمي 955 ألف جنيه.

وأخيراةسيارة هيونداي أكسنت RB بـ 5 فئات من التجهيزات، وهي مزودة بفتحة سقف بدءًا من الفئة الثانية وسعرها 890 ألف جنيه، 915 ألف جنيه للفئة الثالثة، والفئة الرابعة 930 ألف جنيه، و 970 ألف جنيه للفئة الأعلى تجهيزًا.