أسعار السيارات هتنزل امتي وكام وإيه حكاية منصور شيفروليه في السوق

أمتي السيارات سعرها هينزل بشكل جدي والسوق يرجع زي زمان.. ده السؤال اللي الناس كلها بتسأله من ساعة تعويم الجنيه وعودة الدولار للبنوك.. في الفيديو ده هنجاوب على كل الأسئلة
 

 
قطاع السيارات هو اكتر قطاع في مصر اتأثر وعاني من أزمة الدولار في مصر من أولها لاخرها وده لان الدولة كان عندها أولويات لصرف الدولار واعتبرت السيارات سلعة ترفيهية على عكس الاكل والشرب والدواء ولوازم الإنتاج رغم أن قطاع مرتبط بمصدر رزق لملايين المصريين بين سواقين وأصحاب ورش الميكانيكية والصيانة وقطع الغيار وحاجات تانيه كتير جدا مرتبطة بتجارة السيارات ونتيجة للي حصل في السوق وتوقف تقريبا الاستيراد لشهور طويلة أسعار السيارات ضربت ف السما وبقت خيالية والعربية اللي ب300 ألف جنيه بقت بمليون و200 ألف جنيه ودي أسعار العربيات المتوسطة فمابالك بأسعار العربيات اللي من الفئات العالية دي مرسيدس زبي ام دبليو والراند روفر والجيب شيروكي.. وطبعا المستعمل بقي غالي جدا عشان مفيش عربيات في السوق.

المهم فضل الحال على كده لغاية صفقة رأس الحكمة وبعدها التعويم ونهاية السوق السوداء للدولار وبداية الانفراجة في الأسواق كلها ومنها طبعا قطاع السيارات واللي المستوردين دلوقتي يقدروا يلاقوا دولار يستوردوا بيه سيارات ولغاية السوق ما يتشبع ويستوعب الطلبات المتأخرة على السيارات ويرجع لحالة التوازن ده هياخد وقت شوية وشفنا فعلا شركات وتجار كتير استغنوا عن الاوفر برايس اللي كانوا ضافوه على تمن العربية الاصلي بسبب أزمة نقص الدولار.
 بالنسبه لأسعار السيارات في الأيام الجاية رابطة مصنعي السيارات، توقعت هبوط الأسعار بحوالي 20% في الأيام الجاية وإن كل الدولار ما استقر  ونزل هتفضل الاسعار تنزل لغاية ما توصل ل معدلاتها حسب سعر صرف الدولار في البنوك وقالت الرابطة إن الموضوع هياخد شوية وقت لكن وده الاهم دلوقتي إن الزيادات الكبيرة اللي كانت تحصل في سوق السيارات راحت لايامها والزيادات دي مش هتتكر تاني.
الجديد بقي إن رئيس الحكومة الدكتور مصطفى مدبولي قرر يقعد مع كبار تجار السيارات زي منصور شيفروليه وعبور ومكاوي عشان يتفقوا على خطة لإعادة الاستقرار للسوق وايه المطلوب ونسبة خفض الأسعار وإن الاجتماعات دي هتكون نقطة فاصلة في قطاع تجارة السيارات لأن الحكومة هتساند بشدة القطاع عشان يرجع زي الاول.
من ناحية تانية فيه كلام وخطوات كبيرة على الأرض لتوطين صناعة السيارات في مصر بشكل كبير وباحدث التكنولوجيا والملف ده بيتابعه الرئيس السيسي شخصيا وحصلت اتفاقيات بالفعل مع شركات عالمية لتصنيع السيارات في مصر  وبنفكركم بمشروع إنشاء مدينة صناعة السيارات وبداية تصنيع سيارات ماليزية في مصر زي السيارة بروتون الشهيرة في آسيا.