أكتر من قرض صندوق النقد.. 13 مليار دولار هدية لمصر
ازاي مصر قدرت توفر 13 مليار دولار في 12 شهر والارقام الأخيرة بتقول إيه.. وايه الخطوة اللي هتخلي مصر تنطلق من تاني... تعالوا نشوف إيه الحكاية
اكتر حاجة بتعاني منها مصر من سنين طويلة وهي سبب كل الأزمات من الستينات تقريبا هي الاستيراد وعقدة الخواجة وثقافة الاستهلاك والنتيجة الصناعة المحلية عندنا وقعت بسبب اللهفة على المنتج الأجنبي والسمعة اللي طلعها تجار الانفتاح على الصناعة المصرية عشان يروجو لبضاعتهم المستوردة ومن هنا فاتورة الاستيراد بقت تزيد سنة عن سنة ووصلت ل100 مليار دولار في سنة من السنين ودي كارثة طبعا في بلد مش بيصدر بنص المبلغ ده وعنده التزامات كتير منها ديون وخدمة ديون وأزمة عملة بسبب الأزمات الدولية اللي حولينا.
ولأن هي دي المشكلة الأكبر في اقتصاد مصر الرئيس السيسي قرر يحط حد للثقافة الاقتصادية الغلط اللي ماشية في مصر وأولها إنه يرجع الثقة في الصناعة المصرية والمنتجات الوطنية ومع ده خطة لاول مرة في تاريخ مصر بالوصول لصادرات مصر إلي 100 مليار دولار في السنة كمرحلة أولي وبعدها يضاعف وفيه دول قريبة مننا ف بالمنطقة وبتصدر ب300 مليار دولار وطول ما فيه صناعة عندك طول ما تقدر تستغني عن الاستيراد ودا اللي عملته الدولة وشفنا توطين الصناعة وتطويرها واللي تابعها الرئيس السيسي شخصيا على مدار اللي الفترة اللي عدت.
النتيجة عشان فيه رؤية وتخطيط كانت سريعة وإيجابية ومفاجأة كمان والنهاردة وحسب بيانات الجهاز القومي للتعبئة العامة والاحصاء انخفضت الواردات المصرية من جميع دول العالم بحوالي 13 مليار دولار ووصلت 83.2 مليار دولار خلال 2023 مقابل 96.2 مليار دولار خلال 2022 وده رقم ياجماعه اكبر من قرض صندوق النقد الدولي اللي لينا سنة بتفاوض عليه وفي الاخر وصل 8 مليار دولار.. عارفين يعني ايه الدولة توفر 13 مليار دولار في سنة واحدة اكيد معناه وفرة في الدولار اكتر وهيقابله زيادة في التصدير ومعناه كمان إن مصر قدرت توفر صناعة محلية بديلة للسلع المستوردة ودي اول النجاح في إن مصر يكون عندها صناعة حديثة ومتقدمة. وتتوسع في النشاط الاقتصادي بشكل ضخم يخليها زي دول كتيرة بقت عظمى في الصناعة.
وحسب البيانات مصر استوردت من الولايات المتحدة الامريكية ب 5.4 مليار دولار، ومن السعودية ب5.2 مليار دولار واستوردت من روسيا ب5 مليارات دولار، واستوردت مصر من ألمانيا ب4.1 مليار دولار خلال 2023، ومن إيطاليا بقيمة 3.2 مليار دولار، ومن الهند بقيمة 3.2 مليار دولار
