صفقة ضخمة للغاية.. الاتحاد الاوربي يحل أزمة الدولار فى مصر
فى بانكير كنا من أول الناس اللى قولنا لحضراتكم ان صفقة رأس الحكمة ومن بعدها الاتفاق الجديد مع صندوق النقد الدولي هيعملوا حرفيا انقلاب فى أزمة نقص العملة وقولنا ان التحركين دول هيشجعوا مؤسسات ومنظمات كتير على ضخ سيولة دولارية جديدة وان الموضوع مش هيتوقف على فلوس الامارات ولا على قرض الصندوق .. فيا ترى ايه اللى حصل فى الساعات الأخيرة ؟ وايه الخبر السار اللى جاى من الاتحاد الاوربي؟ وليه السوق السودا للعملة بتلفظ أنفاسها الأخيرة؟
صحيفة فايننشال تايمز البريطانية قالت فى تقرير ليها أن الاتحاد الأوروبي بيعد حزمة مساعدات حجمها 7.4 مليار يورو حوالى 8 مليار دولار لمصر بهدف دعم الاقتصاد المصري وسط مخاوف من أن يؤدي الصراع في غزة والسودان إلى تفاقم المشاكل المالية .
الصحيفة المعروفة كشفت ان رئيسة المفوضية الأوروبية أورسولا فون دير لاين هتتوجه إلى القاهرة يوم الحد الجايمع رؤساء وزراء اليونان وإيطاليا وبلجيكا لوضع اللمسات النهائية على الاتفاق والإعلان عنه.
ويوم الأحد اللى فات توقع وزير المالية محمد معيط فاى تصريحات ليه حصول مصر على تمويلات تصل الى 3 مليار دولار من البنك الدولي ضمن حزمة تمويل تتخطى 20 مليار دولار تتوقع مصر الحصول عليها من مؤسسات دولية عقب اتفاق الحكومة المصرية مع صندوق النقد الدولي الأسبوع اللى فات.
و الحزمة التمويلية المتوقعة بتشمل 9.2 مليار دولار من صندوق النقد الدولي و3 مليارات من البنك الدولي بالإضافة إلى تمويلات تانية من الاتحاد الأوروبي هيتم الاعلان عنها أوائل الاسبوع الجاي.
وطبعا التمويلات الجديدة بتأتي بعد صفقة "رأس الحكمة" الضخمة اللي وقعتها مصر مع الإمارات مؤخراً لتطوير مشروع عقاري وسياحي هيستقطب المشروع استثمارات تزيد قيمتها على الـ 150 مليار دولار خلال مدة تطوير المشروع
وبتتضمن الصفقة كمان 35 مليار دولار استثمار أجنبي مباشر للدولة المصرية خلال شهرين وبالفعل مصر تسلمت مصر 10 مليار دولار كدفعة أولي وباقى الدفعات هيتم استلامها وفقا للجدول الزمنى اللى أعلنه رئيس الحكومة مصطفى مدبولي.
ووقعت مصر اتفاق مع صندوق النقد الدولي على مستوى الخبراء وده مهد الطريق لزيادة برنامج صندوق النقد الدولي الأصلي من 3 إلى نحو 8 مليار دولار.
